[Tlhingan-hol] Qun qa'

[Rohan Fenwick]

ghItlhpu' naHQun, jatlh:
> tIQHa' ngay'a'na' angqu'choHba'lI'.

DaHjaj neH QaghHomvam vItu'pu'mo', qaSovmoH: qaghwI' ghaj {ngay'}'e', vaj {ngay''a'}Daq wejlogh qaghwI' DaghItlhnIS. Dach je {'ang} nungbogh qaghwI''e'. 'ach ngeDqu'ba' choHmeyvetlh'e'.

jangpu' De'vID, jatlh:
> cha' mu'tlheghmey tu'lu''a'?

jang je naHQun, jatlh:
> wa' mu'tlhegh 'oH'e'. chevmey Da {tIQHa'}.

{chevmey}? {chuvmey} DaHechpu''a'? jImIS jIH.

De'vID:
> nuq 'oS *najquv*?

naHQun:
> wa' mu' vIlo' vIneH. 'Iq wotmey vIlo' vIneHbe'.> "vision" 'oS <*najquv*>'e'.

vIparqu'. qech cha'chu'be'qu'. qatlh {quv} lo'lu'? mu'vam yajmeH Qatlhqu' QIjbe'lu'taHvIS.

ghaytan {mIlloghHey} {HaStaHey} ghap Dalo'laH. chaq lI' je DIp {nIyma'} "phantom, apparition" - vay''e' leghlu'law'bogh 'ach SaHbe'bogh. nIteb Dalo'laH, pagh tay'taHvIS 'oH latlh mu' je Dalo'laH.

naHQun:
> 'ej cheghchoH tIQ pop'a'meyna'.

De'vID:
> DIp 'oH {tIQ}'e' 'e' DaHar'a'?

naHQun:
> bIqarbe'. wot 'oH <tIQ>'e'.

net Sov. 'ach cha'logh DIp nungbogh {tIQ} Dalo'ta' ('ej jangmeH QInlIjDaq, nungbogh {'Iq} Dalo'qu'pu' je - motlh DelmeH wot nung DIp'e'. chovnatlh: {wotmey 'Iq} "too many verbs"; "the verbs are too many" 'oS {'Iq wotmey}). De'vID ghelmoHpu'bogh meq'e' vaj vIyajchu'. DelmeH wotmeyvaD pIj DIpmey'e' Delbogh bIH DanungmoHlaw'taH.

naHQun:
> Hochlogh DIquvchoHmoHbejtaHneSqu'jaj.

Hut mu' 'ay'Hommey! Dojbej. motlh ghItlh vIqontaHvIS (jIjatlh vIneH, mu' tIqqu' vIqon 'e' vInIDbe'qu'taHvIS) not nIvwI''e' vIqonpu' jIH 'e' vIHar. /mIl'oD veDDIr SuvwI'/Daq {wIjangchoHmoHlaHbe'ba'taHqu'} "we clearly still couldn't make her respond" vIqonbejpu'; Hut 'ay'Hommey neH ngaS je mu'vetlh'e'.

Beginners, these polysyllabic monsters are the kinds of words you can look forward to building yourselves with a little practice. :)

De'vID:
> motlh Qatlh bom mughmeH Qu'.

naHQun:> quSDaq bIba'.

mu'tlheghHomvam Dalo'taHvIS, yIyep'eghmoH. loQ Dochlaw' qoj 'eDjen rurlaw' jatlhwI'; KGT t.142 yIlaDqa'. vay' DatIch 'e' DaHechbe'chugh, motlh {net Sov} qaq law' {quSDaq bIba'} qaq puS. ('opben jIHvaD qeSvam noblu'ta', 'ej naDev vInobqa' net qotlh 'e' vIHar.)

SKI: Some spelling and grammar comments, and a digression on nine-morpheme words.

QeS 'utlh
 		 	   		  
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20151118/808f9aa0/attachment.html>