[Tlhingan-hol] tlhoyHa' tlhIngan Hol vIlo'.
Lieven
levinius at gmx.de
Mon Feb 23 14:24:24 PST 2015
tlhoyHa' tlhIngan Hol wIlo' maH Hoch. ngoDvetlh DIlmeH cha' Dochmey
tu'lu': wa'DIch: Hol wIDel 'e' wItIv 'ej Hol wIbop 'e' wItiv. 'It DoD
vIlIj muja'bej vay', 'ach SaH 'Iv? chaq ghoj neH taghwI'pu', 'ach Hol
lo'be'taH po'wI'pu'.
cha'DIch: mabuD. buD Hoch. bIghItlhtaHvIS reH ngeD mung HollIj, Qatlh
tlhIngan Hol. roD mu''e' poQbogh vay' SamlaHbe', vaj DIvI' Hol lo'choH.
Do'Ha'. Hoch DIS ngoDvetlh tu' vay', vaj loQ tlhIngan Hol jatlhchoH,
'ach tugh Hol pab ghewmey DIbuSqa'. 'ej DIvI' Hol wIlo'choH.
Hm - latlh ngoDHom vIqaw je: naDev Dochmey law' vIja' vIneHbe'.
DaHjaj qaSbe' wanI' le'qu'. 'opleS vIghro'wIj vIHeghnISmoHta'. 'ach
qaSDI' jajvetlh, jI'IQ 'ej waI'vetlh vIDelta' vIneHbe'. vaj pagh
vIjatlh. 'ach qaStaHvIS jajvetlh, tlhIngan Hol qawHaqwIjDaq wej navmey
vIghItlhta'. yabwIj 'IQ chImmoHlaH Qu'vetlh.
pItlh.
--
Lieven L. Litaer
aka Quvar valer 'utlh
http://www.facebook.com/Klingonteacher
http://www.klingonwiki.net
More information about the Tlhingan-hol
mailing list