[Tlhingan-hol] mey' bopbogh latlh De'

[Felix Malmenbeck]

chong! muQuchqu'moH De'vam chu'!

14 nov 2014 kl. 16:49 skrev De'vID <de.vid.jonpin at gmail.com<mailto:de.vid.jonpin at gmail.com>>:


wej reD ghajchugh mey', ra'Duch 'oH. 'e' wISov.

nIbchugh wej reD ('ej nIbchugh wej qoD tajvaj), tIQ ra'Duch. ra'DuchvaD neH {tIQ} lo'lu'. nIbchugh mey' Hoch reDmey, Hoch qoD tajvajmey je, motlh {HoS} ponglu'.

ra'Duch'e' nIbchugh cha' reD neH (pImchugh latlh reD), quv 'oH.

pImchugh wej reDmey, puj ra'Duch.

tajvaj lujuvmeH tlhIngan, {lawrI'} lulo'. law chu' 'oH lawrI''e'. ghoDaq 360 lawrI' tu'lu'. ben law' ghoDaq 243 law tu'lu'. toH, 60 lawrI' 'oH ra'Duch tIQ ngIq qoD tajvaj'e'. (40.5 law 'oH je.)

90 lawrI' ghajchugh tajvaj, leD tajvaj. ('oHvaD tajvaj leD ponglu'.) jatlh matlh, {leD rav tlhoy' je}.

tajvaj leD tIn law' tajvajHom tIn puS. tajvaj'a' tIn law' tajvaj leD tIn puS.

QIn ghaj mey'. QIn ghaj DuQtlhuQ je.

ravDaq mey' tu'lu'. loghDaq yergh tu'lu'. mey' 'oH meyrI''e'. yergh 'oH buq'Ir'e'.

--
De'vID

_______________________________________________
Tlhingan-hol mailing list
Tlhingan-hol at kli.org<mailto:Tlhingan-hol at kli.org>
http://mail.kli.org/mailman/listinfo/tlhingan-hol
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20141114/ff2f30fe/attachment.html>