[Tlhingan-hol] mayQoSavte'mo' jIloStaH.

Thu Nov 6 18:02:45 PST 2014

choghojmoHta’. 

QonoS ghaj NTFS ‘e’ vISovbe’pu’. [Intentionally breaking a stupid grammar rule.]

toH, qatlh poH jo’ Hutlh Qorwaghmey? naQbe’ “System Restore”. lo’pu’DI’, pIj ngaDHa’choH pat.

*link*mey net ghaj’a’?

[More below, in line]
> On Nov 6, 2014, at 10:34 AM, SuStel <sustel at trimboli.name> wrote:
> 
> On 11/6/2014 9:38 AM, lojmIt tI'wI' nuv 'utlh wrote:
>> QonoS ghaj Apple's file system. QonoSvammo’ DuH <<poH jo’>> (Time
>> Machine).
>> 
>> De’wI’ wo’Daq poH jo’ nIv law’ Hoch nIv puS. poH jo’ yajHa’ HochHom
>> Qorwaghmey lo’wI’pu’ QonoS Hutlhmo’ Qorwaghmey.
> 
> qarbe'. QonoS filesystem 'oH NTFS'e'. NTFS lo' HochHom Qorwaghmey De'wI'mey. FAT, FAT32 joq yIlo'Qo'!
> 
>> qay’DI’ De’wI’, poH jo’ lo’laH De’wI’ tI’wI'. qay’pa’bogh De’wI’vam
>> rurqa’laH qay’bogh De’wI’.
> 
> QorwaghmeyDaq mIwvam Data'laH je. "System Restore" yIlo'.
> 
> file luchIllu'pu'chugh, "Previous Versions" yIlo'. Dalo'meH Qorwaghmey Backup (Qorwaghmey Soch), "File qun" (Qorwaghmey chorgh) ghap yIlo’.

*Backup drive* Daghajchugh, rarDI’, <<“as a backup drive” Dalo’ DaneH’a’?>> jatlh *Apple” De’wI’. 

<<HIja’>> Dajatlhchugh, vum’eghmoH poH jo’. Hoch *file*mey qon. qaSDI’ Hoch rep, choHpu’bogh *file*mey qon. wa’ *file* Hoch *file* joq *restore*laH. ngeD. *file* DawIvlaH pagh poH DawIvlaH. law’bogh poHmey ngo’ *browse*laH. polmeH *efficient*chu’ patvam.

>> qalchoHchugh Mac OS X (qub wanI’vam, ‘ach qaSlaH), vIjomqa’laH.
>> qay’be’. wa’ mIw poQ.
> 
> wa' malja' De'wI'Daq Qapmo' MacOS.

qatlh qay’ wanI'vam?

>> qalchoHchugh Qorwaghmey, De’ vI*backup*nIS, ghIq Qorwaghmey
>> vIjomnISqa’, ghIq *drivers* vIjomnISqa’, ghIq *applications*
>> vIjomnISqa’, ghIq De’ vI*restore*nIS.
> 
> qatlh deployment image DachenmoHbe'pu'?
> 
> Microsoft Deployment Toolkit yIlo'. Hoch De'wI'lIjvaD wa' image yIchenmoH. Hoch drivers applications je ngaS. image yIchu', ngugh yIQot'eghmoH.
> 
> 'ej not not not De'wI'Daq De' yIpol!!! Folder Redirection yIlo’.

toy’wI’mey DIHutlh. Qatlh lo'meH pat DaDelbogh. juHwIjDaq lo’bej nuvpu’ puS. maq <<ngeD! HoSghaj! lo’nIS Hoch!>> ‘ach *detail*meyDaq ghaHtaH veqlargh.

poH jo’ lo’laH vay’. ngeD. toy’wI’ poQbe’. *image*mey DaleHnISbe’.

>> Quite likely, you paid as much for your PC as I did for my Mac, but
>> they’ve convinced you that Macs are always more expensive.
> 
> muponpu' 'Iv'e'? Qulpa'wIjvaD Hoch De'wI'mey vIje' 'ej jo' rapvaD ghaytan Apple wagh law' Hoch wagh puS.
> 
> *reH* Apple wagh law' Hoch wagh puS 'e' vImaqbe'pu'. SaHbej Qorwaghmey De'wI' wagh. 'ach Applevo' Daje'chugh bIwIvlaHbe': reH wagh. Qulpa'wIjDaq De'wI' wagh poQ 'op nuvpu': De' lupoj qoj De' luSuq tej jo' 'Itlh lulo'taHvIS. (motlh QorwaghmeyDaq neH Qap jo'vam.) 'ach De'wI' wagh poQbe' 'op nuvpu': weQmoQnaQ, QInmey, Microsoft mu' je neH lulo'. De'wI'mey wagh poQbe' nuvvam. 'ach De'wI'mey wagh neH je' Apple!

<<!>> DaparHa’law’.

waghbe’ iPad.

> pImbej Mac Qorwaghmey leHmeH Dup, 'ach puSbe' Qorwaghmey. leHmeH mIwmey pIm DaghojnIS neH. Qorwaghmey SovwIj HoS law' Mac SovwIj HoS puS, vaj Mac vItI'nIS jImoghchoH. jIHvaD nap Qorwaghmey tI'meH Dup 'ej mumoghmoH Mac tI'meH Dup.

cha’maH Soch ben *Microsoft DOS 3.1* vIlo’. Qorwaghmey 3.x, 95, 98, ME, NT, 2000, XP, Vista, 7, 8, 8.1 vIlo’pu’ ‘ej lo’wI’pu’ vIboQta’.

Hut ben *Mac OS X* vIlo’choH je. Mac OS X 10.4 Tiger.

jItaghDI’, Huj ‘e’ vIHar. loQ vIpar.

loQ DajchoH Mac OS X 10.5 Leopard.

Dajbej Mac OS X 10.6 Snow Leopard. loQ Dojlaw’.

Dojbej Mac OS X 10.7 Lion.

ghu’ Dub Mac OS X 10.8 Mountain Lion.

DubtaH Mac OS X 10.9 Mavericks.

DubtaH Mac OS X 10.10 Yosemite.

lo’laHbej Qorwaghmey 3.1.

valqu’ Qorwaghmey 95.

ghu’ Dub Qorwaghmey 98.

ME?… Dubbe’.

Qatlh NT.

ghu’ Dub 2000.

Dun XP, ‘ach ngo’choHtaHvIS DubnISlu’. ngaQlaHbe’. qaStaHvIS poH ‘Iq Dubbe’lu'.

Vista?

Vista 1.1 ‘oH Qorwaghmey Soch. Dubbej, ‘ach Dubqu’be’.

Qorwaghmey chorgh?

loQ He chIllaw’ Microsoft.

Qorwaghmey chorgh vI’ wa’? Dubbej. yap’a’? jISovbe’. tlhoy tInmo’ lujlaHbe’law’ *Microsoft*.

Qorwaghmey Hut? nuqDaq ‘oHtaH Qorwaghmey Hut? qatlh veb Qorwaghmey wa’maH? toghlaH’a’ *Microsoft*?

chaq Dun chorwaghmey wa’maH. Qap *Microsoft* ‘e’ vImaS. Qapchugh ngeDchoH Qu’wIj. DaH Qu’wIj ngeDmoH “Apple", ‘ej Qu’wIj QatlhmoH *Microsoft*.

> -- 
> SuStel
> http://www.trimboli.name/
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol <http://mail.kli.org/mailman/listinfo/tlhingan-hol>

lojmIt tI’wI’ nuv ‘utlh
Door Repair Guy, Retired Honorably

-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20141106/a60f0d5a/attachment.html>