[Tlhingan-hol] tlhIngan Hol QIn

[Robyn Stewart]

maghoHmeH tlhIngan Hol neH wIlo' net chup. cha' Sengmey vIqel:

wa') "jIghoH" Qubbe' ghoHwI'. jIQoch, jIQIj, jIlughmoH, jIQaH joq Qub. tlhIngan Hol lo'choHDI' QIjwI'qoq vaj ghoH 'e' chIDnIS. ghoH 'e' tlhojchugh QIjwI'qoq, ghaytan mev'egh. 

cha') qaD'eghmeH chu'wI', tlhIngan Hol neH lo'bogh QInmey laD 'e' nID. taghwI' jIHtaHvIS, lutHommey Daj bIH. mughmeH poH nI' poQ chu'wI'. may'mey neH tu'chugh mughqangbogh taghwI', tung. 

SKÍ: Arguers don't think they are arguing, and newbies put so much effort in to translate posts. 

> On Apr 17, 2014, at 5:48, lojmitti7wi7nuv at gmail.com wrote:
> 
> chaq QIntetlh paq wIchoHnIS:
> 
> tlhIngan Hol Dalo'taHvIS, QaQ Hoch QInmey.
> 
> tlhIngan Hol DaqeltaHvIS 'ej maja'chuqtaHvIS neH, QaQ Hoch QInmey.
> 
> 'ach bIghoH DaneHchugh, tlhIngan Hol Dalo'nIS.
> 
> poH poQmo' Qu'vam, pIj ghoHHa'lu', vaj ghaytan nup maghoHmeH wanI'mey.
> 
> 'ej ghaytan nup taghwI'pu' wInuQmeH wanI'mey je.
> 
> I know that I, personally, would argue less if I had to do it in Klingon. Likely others would, as well. And even if we didn't, at least we'd be spamming the list with messages most of us can more easily ignore.
> 
> lojmIt tI'wI' nuv, 'utlh
> 
>> On Apr 17, 2014, at 4:37 AM, Lieven <levinius at gmx.de> wrote:
>> 
>> jaj 16.04.2014 16:48, ja' SuStel:
>>> paq mughlu'chugh potlh'a' pab? taghwI'vaD ghojmoHlu'chugh potlh'a' pab?
>>> pabtaH mughwI'pu' ghojmoHwI'pu' 'e' wuq 'Iv? Qochchugh
>>> ghojmoHwI'pu', taghwI'vaD nuq wIghojmoH?
>> 
>> taghwI'vaD pabmo' maQochbe'bogh wIghojmoH. pab ngeD SovDI' taghwI', vaj pab yajchoH ghaH, 'ej ghIq paq Qatlh ghojlaH po'wI' mojlu'bogh taghwI' Deq.
>> 
>> pab chutmey law' wISov. rut maQochbe'. chaq chut 'opmo' maQoch.
>> 
>> SKI: grammatical topics that we are unsure about may be not for beginners. When beginners become advanced, they will find out themself.
>> 
>> -- 
>> Lieven L. Litaer
>> aka Quvar valer 'utlh
>> http://www.facebook.com/Klingonteacher
>> 
>> _______________________________________________
>> Tlhingan-hol mailing list
>> Tlhingan-hol at kli.org
>> http://mail.kli.org/mailman/listinfo/tlhingan-hol
> 
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol