[Tlhingan-hol] HeghlI' be'nalwI' SoS

[Bellerophon, modeler]

be'nallI' SoS lut vIlaDpu'.
Sengra'mo', laDlu'meH Qatlh lutvam.
loS ben Hegh vavwI'. pay' qaSmo', maDo' qorDu'wI'. SuvwI' nol Hevpu'.
nuHemmoHpu' vav nol.
SuDo'Ha'law' qorDu'lI' 'ach SuSIQbej 'ej SuSubbej.
qorDu'lI'vaD yIHoStaH!

~'eD

ram 'ach vIghel.
wa' mu'tlhegh vIyajchu'be'.
<cha' Hogh rep ghupmeH mIw lIjpu'law'.>
<cha' Hogh ret> bIjatlhpu' 'e' DaHechpu''a'?


2013/9/3 ghunchu'wI' <qunchuy at alcaco.net>

> pIvbe' be'nalwI' SoS.
> Hut ben QapHa'choHba' yabDaj.
> wa'ben jatlhbe'choH 'ej yItbe'choH.
> qaStaHvIS jar law' QIt SabtaH DotlhDaj.
> Dachlaw' ben ghaH.
> tlhuHbogh porgh neH mojpu'.
>
> cha' Hogh rep ghupmeH mIw lIjpu'law'.
> tlhutlh neHbej 'ach nIDDI' voQ.
> Sopqangbe'.
> tugh Hegh net Qub.
> Hegh nabmey cherchoH puqpu'Daj.
> 'ach taH ghaH.
>
> DaHjaj po' De' chu' wIHev.
> vul. ghupbe'qu'. tlhuHtaHbe'.
> not Sopqa' net pIH. not tlhutlhqa'.
> DaH HeghlI'bej.
>
> DaHjaj pov Qu'wIj vImej 'ej wISuchmeH be'nalwI' wItlhej jIH puqloDwI' je.
>
> wISuchtaH.
>
> QongtaH. tlhuHbe' ghIq tlhuHqu' ghIq tlhuHbe'qa'.
>
> tugh juHmajDaq jIchegh.
> SoSDaj retlhDaq ratlh be'nalwI'.
> tugh paw be'nalwI' loDnI', be'nI' je.
> jaj wISIQ 'ej qaSbogh wanI' DIlaj.
>
> -- ghunchu'wI'
>
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol
>



-- 
My modeling blog:          http://bellerophon-modeler.blogspot.com/
My other modeling blog:  http://bellerophon.blog.com/
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20130904/c4106782/attachment-0001.html>