[Tlhingan-hol] HeghlI' be'nalwI' SoS

[Robyn Stewart]

batlh be' boSovpu'bogh yIqaw. 

tlhIHvaD jIQub. 

On 2013-09-03, at 12:24, ghunchu'wI' <qunchuy at alcaco.net> wrote:

> pIvbe' be'nalwI' SoS.
> Hut ben QapHa'choHba' yabDaj.
> wa'ben jatlhbe'choH 'ej yItbe'choH.
> qaStaHvIS jar law' QIt SabtaH DotlhDaj.
> Dachlaw' ben ghaH.
> tlhuHbogh porgh neH mojpu'.
> 
> cha' Hogh rep ghupmeH mIw lIjpu'law'.
> tlhutlh neHbej 'ach nIDDI' voQ.
> Sopqangbe'.
> tugh Hegh net Qub.
> Hegh nabmey cherchoH puqpu'Daj.
> 'ach taH ghaH.
> 
> DaHjaj po' De' chu' wIHev.
> vul. ghupbe'qu'. tlhuHtaHbe'.
> not Sopqa' net pIH. not tlhutlhqa'.
> DaH HeghlI'bej.
> 
> DaHjaj pov Qu'wIj vImej 'ej wISuchmeH be'nalwI' wItlhej jIH puqloDwI' je.
> 
> wISuchtaH.
> 
> QongtaH. tlhuHbe' ghIq tlhuHqu' ghIq tlhuHbe'qa'.
> 
> tugh juHmajDaq jIchegh.
> SoSDaj retlhDaq ratlh be'nalwI'. 
> tugh paw be'nalwI' loDnI', be'nI' je.
> jaj wISIQ 'ej qaSbogh wanI' DIlaj.
> 
> -- ghunchu'wI'
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol