[Tlhingan-hol] tuj rop

[Rohan Fenwick]

This is one I've played with on and off for many months in between other things. It's only seven verses, but the language is pretty dense, so it's taken me a while to push through and wind up with a Klingon version I'm happy with.

At any rate, I hope you all enjoy.

tuj rop (A Fever)
qonta' John Donne
--------
yIHeghrupQo'! narghDI' qa'lI',
qo' Hoch be'pu' vImuSchoHchu':
be' SoHpu' 'e' vIqawqa'DI',
qalopQo'mo' vI'IQmoHlu'.

'ach wej bIHeghlaH 'e' vItlhoj;
qo' mejchugh qa', Hegh SIQnISlu'.
'ach mejDI' qa'lI', ngugh bIloj,
'ej qo' Hoch vel tlhuHlIj chISqu'.

bInarghDI' SoH, qo' Dun qa' nIv,
ratlh qo', 'ach lomlIj rur neH 'oH;
be' 'IHvaD rapbej nIyma' QIv,
ghargh qal mojlaw' je voDleH yoH.

'o ghoHbogh tej! qo' meQwI' qul
lunejtaH chaH, 'ach reH yajbe':
Sovna' lughovbe' nejwI' mul:
chaq qulvetlh 'oH tuj ropDaj'e'!

'ach poH nI'be'qu' SIQlaH neH,
pujqu'moHlaHbe' qulvam joy';
porgh tuj'a'vam nI' meQtaHmeH
nIn Da quvHa'wI' DavHam 'oy'.

chunDabmey rurbej tuj poHvam:
porghlIjDaq tugh meQHa'choH bIH;
'u' choHbe'bogh SaD DIS poH tlham
rur porghlIj Dun, Darur SoH 'IH.

Do'Ha', tugh yaH yInlIj pugh Dun,
'ach taH SoHvo' narghbogh qa' pup;
'ej Hoch 'u' poH munobchugh Qun,
qatlhejtaH qaStaHvIS wa' lup.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20130502/6916f7ab/attachment-0001.html>