[Tlhingan-hol] qep'a' vIghoS/I will go to qep'a'

[Rohan Fenwick]

ghItlhpu' Qov, jatlh:
> qep'a' vIghoSlaHmeH, loSHu' nutoy'choH chach 'orwI'. (jIropchugh taHlaHmeH
> malja' 'ut je, 'ach qaSpa' qep'a' qaSnIS 'e' Sov pInwI').

maj! qaStaHvIS wa'ben qep'a' bIvumnISpu' qar'a' SoH, bI'or 'e' mevpa' muD Dotlh? DISvam SoHvaD lIw tu'lu'pu'mo' jIbel.

> loS  wen qep'a' vIDIl. DaHjaj muD Duj chaw' vIje' 'ej mebpa'mey vIDoQ.

maj je.

> cha' QongDaq pa' vIghaj 'ej wav neHchugh vay vIghIbchu'. jeSchugh QeS vaj
> ghaytan pa'wIjDaq matay' (wejlogh qaSDI' lurDech 'oH!)

Dun lurDech; wIcherlaHchugh maruchbej. :)

> 'a jeSlaHbe'chugh mumuvlaH latlh.

wej jIna' jIH. tugh jISovchu'. DISvam turIqya'Daq jIvum 'e' vInab; turIqya' vIjaHpa' qep'a' vIjeS 'e' vInab je. 'ach Do'Ha' qen morghtaHghach'a'mo' Qatlhqu'choHba' turIqya' qum ghu'. vaj ruch jInmolmaj 'e' vISovchu'be'. ghaytan maruch, 'ach wej net Sov. vaj cha' Hoghmey vIloS 'e' vIHech, Duj chaw'meywIj vIje'pa'; qay'be' (pagh qay'be'choHpu') turIqya' 'e' vISov vIneH neH.

ngaj: jIbuDbe'qu'; jIHoj neH. :P

QeS

SKI: QeS is intending to be there so long as things settle down in Turkey soon.
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20130608/1c216760/attachment.html>