[Tlhingan-hol] *color* 'oSmeH nIpon Hol tIQ mu'mey

[Rohan Fenwick - QeS 'utlh]

ghItlhpu' chaDQI', jatlh:
> wa'SanID loSvatlh ben nIpon Hol tIQ, *color* 'oSmeH loS mu'mey neH tu'lu'.
> 
> akashi: be red, orange, yellow
> awoshi: be green, blue
> shiroshi: be white
> kuroshi: be black

Daj! Holmey'e' pIj wa' mu'Daq tay' rItlhmey «ghun» - red, orange, yellow je. nIpon Hol mu' /akashi/ 'oSchu' mISIr tIQ Hol mu' /dšr/ "red, orange, yellow".

taH:
> tlhIngan Hol <Doq, SuD, chIS, je qIj> rurqu' Dochmeyvetlh.
> pIm *yellow* neH.
> rurbogh latlh Hol tu'lu''a'?

HIja'. chIS, Doq, SuD, qIj je 'oSbogh rItlh mu'mey ghaj 'aSralya' Holmey puS 'e' vISov; chaq ghaj latlh Holmey'e' vISovbe'taHbogh.

> DIvI' Hol tIQ rur'a'?

SIbI' vIHonpu', 'ach tugh qechvetlh vIQulchoH. tagha' Dajbogh vay' vItu'pu': {SuD} 'oSchu' Proto-Indo-European mu'Hey /ǵʰ(e)lh₃-/ 'e' luHarlaw' 'op tejpu'. DaHjaj rItlh pongmey law'vaD qempa' 'oHlaw' /ǵʰ(e)lh₃-/:

DIvI' Hol /yellow/; DIvI' Hol ngo' /ġeolu/
Latin /helvus/ "dull yellow"
'elaDya' Hol tIQ /chlōrós/ "light green"

Lithuanian /žalias/ "green"
(ghaytan) Ireland Hol /glas/ "green, blue"

"be bright, shine" 'oSlaw' mu'vetlh tIQ'e': DIvI' Hol "glow", Ireland Hol /geal/ "bright, clear, white", Sanskrit /hari/ "light, dun, tawny, yellowish, greenish".

> Dochvam Sovpu''a' Marc Okrand?

jISovbe' jIH. 'ach qo'vam Holmey qellu'DI', rItlh pongmeH pat law' lutu'lu'. chaq Proto-Indo-European pat qelpu' Marc; chaq latlh qelpu'.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20121011/719d3548/attachment.html>