[Tlhingan-hol] Saarbrucken qepHom - jaj wa'

[De'vID]

(I wrote these while I was at the qepHom, but my laptop had no
internet connection so I'm sending now...)

wa'Hu' DoyIchlanDaq jIpaw, Saarbrucken qepHomvaD jIjeSmo'.

Zurichvo' lupwI' mIr vIlIgh.  DoyIchlan veH vIjuS 'ej MannheimDaq
lupwI' mIr wa'DIch vIlItHa' 'ej lath vIlItqa'.  lupwI' mIr cha'DIchDaq
jupwI' SanI vIghom.  qepHomvaD jeS je.  Saarbrucken ghoS lupwI' mIr
cha'DIch.

DoyIchlanDaq Qatqu'law' tlhIngan Hol tlhIngan tIgh je.  numuv
tlhInganpu' law'.  Khemorex Klinzhai muvpu'wI' chaH HochHom'e'.

'uQ wISopmeH 'aSralya' Qe' QaQ wIDan.  Ha'DIbaHmey Sar vISop: ostrich
(tera'ngan bo'Degh tIn 'oH), crocodile (bIQDaq yInbogh tera'ngan
lung'a'), kangaroo (Supbogh targhqoq), black angus beef (tangqa' qIj).
 Do'Ha', Ha'DIbaH jablu'pa' Hegh 'ej lumeQlu'.  'ach 'eyqu'.  HIq
wItlhutlh je.  ghIq maQongchoH.  rIn jaj wa'.

--
De'vID