[Tlhingan-hol] mIl'oD veDDIr SuvwI' - 'ay' cha': 15. pop 'oH ghob'e'

[Rohan Fenwick - QeS 'utlh]

After a hiatus for a while to get my head straight and a couple of dissertation chapters written, I have time to scratch myself now, and so here's more of mIl'oD veDDIr SuvwI'.

Those who were reading might remember that in the last few 'ay'mey (culminating in 14DIch), 'avtanDIl and roStevan voDleH came across a strange warrior wearing a sabre bear pelt while they were out on a hunt. After trying and failing to accost the warrior and having a number of slaves killed in the process, roStevan had his men try to find the warrior. Upon failing in this task, roStevan came to believe the warrior was an evil spirit sent to torment him. roStevan's daughter tIna'tIn disagreed, and promised 'avtanDIl that if he could find the warrior, she would marry him. 'avtanDIl had a rush of adrenaline at this point followed by a crash into depression, and then decided that he would go to the Emperor and let him know of his departure.

So begins 'ay' 15DIch. Comments and critique are, as always, most welcome.

15: pop 'oH ghob'e'

ghIq voDleH vaS 'el SuvwI' net chaw'; 'utlh vuv ghaH 'ej tlho'meH mu'mey jatlh: «'o 'utlh, chonaDqu'ta'mo' choquvqu'moHneS! DaH nuchevbogh 'IttaHghach ram'e' wovmoHjaj QI'tu', 'ej qablIj bel belqa'moHlu'pu'bogh vIlegh 'e' chaw'jaj.»
DeSDajDaq tlhap roStevan 'ej vanchu'; tlhoS puqloDna'Daj rur 'avtanDIl. chaH rurbogh chang'eng'e' not tu'lu'pu' - Qorghbogh vay', vay' Qorghlu'pu'bogh joq. tagha' QamchoH SuvwI', 'ej mej. luchevlu'law'pu' chaH; 'avtanDIlvaD loQ SaQchoH valqu'bogh 'ej quvqu'bogh roStevan.
vaj mej 'avtanDIl, yItchu'bogh 'ej jaqchu'bogh SuvwI' yoH. cha'maH jaj lengtaH; pem law', ram law' je tay'moHchu'[1]. not tIna'tIn'e', tIqDaj meQmoHtaHbogh be''e',  Qubbe'choH; qo' bel ghaH tIna'tIn'e', mIp wellu'bogh ghaH. Dat jaHDI', lopqu'taH Sep nuvpu'. luqIH 'ej lughom chuQun, 'ej nobmey wagh nobtaH. QIt lengbe'bej loD Qup'e', Dat paSbe'qu' jul rurbogh loD'e', nom lengtaHvIS. nuvpu' lubelqu'choHmoHlu'chu', luqIHDI' 'ej ghaHDaq SumchoHDI'.
wo' veH nuvpu' ghIjlaHchu'bogh veng HoS'e' che' 'avtanDIl; naghna' 'oH yergho'e', chenmoHlu'meH nagh'a' tIn lumutlhlu'ta'. veng loHmeH, qaStaHvIS wej jaj vengDaq ratlhtaH  chon taghpa', 'ej ghojwI'Daj SermaDInvaD lIwDaj mojmoH 'avtanDIl. nItebHa' toy'wI'vam'e' 'avtanDIl'e' je luQorghlu'pu'; 'avtanDIlvaD matlhchu'taH, 'avtanDIl toy'ruptaH. wej 'avtanDIl tIq meQmoHtaHbogh qul Sovbe'chu'; vaj DaH ghaHvaD 'avtanDIl jul, tIna'tIn, tulmoHbogh mu'mey 'ang 'avtanDIl.
jatlh ghaH: «HIQoy, SermaDIn, ngoDvammo' jItuH SoHvaD 'e' vI'angnIS. Hoch SojwIj DaSovchu', bIH Daqelchu'ta' 'ej bIHmo' choqeSchu'ta'. 'ach muSaQqu'bogh ghu''e' wej DaSovchoH! mubechqu'moHpu'bogh be'vo' DaH tIqwIj DuQtaH bel'a'. tIna'tInvaD muDuQtaH parmaqna'; SeparDu'wIj bIrDaq pubchoH tIqwIj 'Iw tuj; wej bepwIj vISo'pu'bogh vI'anglaHbe'pu'. 'ach DaH jItulchoHta' 'e' mutlhob be', vaj jIbelchoH 'e' Dalegh. mujatlh tIna'tIn: <ngabta'bogh SuvwI' bopbogh De''e' yIghoj, ghIq choghoS, 'ej tIqlIj parmaq vIpupmoH. loDnalwI' Damoj SoH neH vIneH, latlh vIneHbe'qu'; tIqwIjDaq lav pochbogh Sor'a' 'oH SanwIj'e'.> jatlhpa', tIqwIj baghlu'ta' 'ej vonlu'ta'; jatlhDI', tIqwIj rachlu'ta' 'ej vorlu'ta'.»

[1] This phrasing is from the original Georgian: /γameca dγes zeda c'ahrto mravali/ "many a day he made one with the night", i.e. "without stopping".

--------
SKI: 'avtanDIl takes his leave of roStevan, and goes to the city he runs to set his affairs in order with his chief advisor.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20121102/a696658e/attachment.html>