[Tlhingan-hol] nuq bop bom: 'ay' cha'vatlh wa': jachtaH yelwIyyItngan pumtaHvIS DevwI'

[Qov]

Essim had just led Mahoun out of the cave and then beamed him up to 
the Klingon High Council member's ship without his consent.

201: jachtaH yelwIyyItngan pumtaHvIS DevwI'

vIDmo' Mahoun, DevwI' HubrupmoH 'eSSIm. jol ravDaq QottaH 'ej jachtaH 
Mahoun. bIng bejmeH tlhe''egh 'ej qabDaj So'meH DeS QaQ lo'. chollI' 
Qa'bar, 'eSSIm ghonDoq QachtaHvIS. jatlh Qa'bar, "QaQ 'etlh. SoHvaD 
vISay'moHta' 'ej vIjejmoHta'." 'eSSImvaD nobHa'. yay' 'eSSIm. 
ghonDoqDaj Say'moHta' yejquv DevwI'! jejchu' 'ej Say'qu'mo' wov. qogh 
Say'moHta' je. jolpat rav lItHa' 'ej vaH Say'Daq ghonDoq jej lan. 
Mahoun chol Qa'bar. volchaHDaj HotDI' jachqu' yelwIyyItngan.

Mahoun Hotbe'choH Qa'bar. jatlh, "choqawlaHbe' 'e' vIlIj, Mahoun. 
Qa'bar 'oH pongwIj'e'. wejmaH ben qatlhabmoHta'."

qabDaj So'Ha' Mahoun 'ej ba'choH. jatlh, "chotlhabmoHta'? vaj 
choHevta'. DeSwIjvo' QIn pegh DaHevta''a'?"

"qaHevta', 'a QIn ngaSpu'chugh SevmeylIjDaj, nIHta' vay' vIHevpa'. 
nuq bop?" jatlh DevwI'.

jatlh Mahoun, "jISovbe'. vay' DapIHpu''a'?"

jatlh Qa'bar, "SoH qapIHpu'. bortaS vISuqmeH jIHvaD nInob yu'wI'pu'."[226]

"bortaS? chay' bortaS SuqmeH tlhIngan jIboQlaH jIH?" jatlh Mahoun mIS.

"puqloDwI' Dachotlaw'pu'," jatlh Qa'bar.

poSqu'choH Mahoun mInDu'. HawlaHbe'mo', jolpat ravDaq ba'taH. 
QeHbe'law' Qa'bar. ngoDmeyHey jatlhlI' neH, "wejmaH wej ben, may'Duj 
*lotlhwI'*Daq, cha' 'avwI'pu' lommey, SoH je lItu' yu'wI', chamwI' 
je. Hughmeychaj mupqu'lu'ta'mo' Heghpu'. puqloDwI' ghaH wa' 
'avwI'vetlh'e'. ravDaq bIQottaH. Qapbe'taHmo' bIghHa'Hom Hung qonwI', 
DaHoHlI' net bejlaHbe', 'ach pa' 'elpu' pagh."

Mahoun bej 'eSSIm. DaHjaj 'eSSIm merbejpu'. tlhIngan mangvo' 
narghta'. QallaHchu'. yeb rIQqu' cherghlaH. DISDaq toSlaH. 'ach 
tlhIngan 'avwI' Hugh Qaw'laH'a' noDlaHpa' qochDaj? Harbe' 'eSSIm. 
qama' ralbe' ghaH jatlhpu' vajar. QuS'a'vaD jeS'a' vajar, Mahoun je? 
Har neHbe' 'eSSIm. QuStaH vajar neH. ghopDu'Daj nuD Mahoun ghIq 
Qa'bar bejqa'. ghopDaj rIQ QutlhtaH. Mahoun QorghmeH joD neH 'eSSIm, 
'ach Qa'bar qagh neHbe'.

jatlhtaH Qa'bar, "SIbI' tuQDoq lo'ta' yu'wI' 'ach taghpa' yu'wI', 
SoHvaD tuQDoq lo'qu'law'ta' vay' 'ej yablIjDaq poHvetlh Qaw'chu'ta'. 
vaj nIteb Davangta'be' net Sov. puqloDwI' HoHta'mo' qama'Daj'e' 
QoSqu' yu'wI'vetlh Qup. qImyal 'oH pongDaj'e'. ghIbDI' mochDaj, 
bortaS 'eb vItIvlaHmeH jIHvaD DungeHta'. mubchu'be'mo' mIwvetlh, 
DaHIjlu'taHvIS bIHeghpu' net qon."

meHDaq chuSchoH QumwI' pat. jangmeH 'et ghoS Qa'bar.[236]
----
SKI: Councilmember Qa'bar explains his association with Mahoun.
----
[226] Hmm, that's a little weird. You try picking a prefix for "They 
gave you to me."
[236] Gaa! I keep misinterpreting 'et as et (French for 'ej) and then 
changing it to 'ej and then getting confused. I hope I caught or 
un-caught them all.
----
Also I'm writing the final 'ay''a' now and I don't want this to be 
like LOST where the character-driven arcs are resolved but followers 
are unsatisfied because the mysteries are not cleared up. I think I 
have gathered all the loose ends into a happy snarl, if not a neat 
knot. The title will be answered. If you have a favourite outstanding 
question or unresolved conflict you'd like to see finished, let me 
know asap before I finish outlining.

  - Qov