[Tlhingan-hol] Klingon Word of the Day: jer

[Robyn Stewart]

At 10:40 '?????' 5/7/2012, you wrote:
>toH, wa'maH tup nIn Dalo'choHDI', puvmeH tup 'ar DapoQlI'?

cha' rep, loSmaH tup je nIn ngaS ngaSwI' chang'eng wa'Dich 'e' vIQub. 
jImuj: qaSpu'DI' cha' rep wejmaH tup, nIH QuQvaD loj nIn. vaj ngaSwI' 
chang'eng cha'DIch nIn vIlo'choH. 'oHDaq cha' rep, loSmaH tup je nIn 
tu'lu', 'ach qaStaHvIS wa' rep, cha' rep neH vIlo'lI'.

>  lutlIj DarInmoHta'be'. bItlhotnIS'a'? bISaqmeH bIqajnIS'a'?

Dalmo' lut, 'utbe' bertlham.

>potlhchu' nIn vu'meH Qu'.

HIja'. taghDI' lutwIj (nuq bop bom) nIn vu' vajar HoD 'ej qaSDI' 
chachchaj nIn Dotlh neHDI' SImta' yaS wa'DIch. reH nIn vIjIH.

>jIqajta' neH. jIghojmeH Hutlogh jIqajta', 'ach Huch bajlI' 
>be'nalwI', tugh 'e' mev, 'e' nab 'ej jIqajmeH Huch vIHutlh, vaj 
>ghaytan not jIqajqa'.

cha'logh jIqajta'. vItIvqu'be'.

>reH ghorDaq jIratlhnIStaH. jInajlaH neH.

Las VegasDaq jI'ortaHvIS mutlhej cha' nuvpu' 'ach jeS luneH wej. 
tlhoy 'ughmo' wej wa' raQpo' vIlajHa'. wa'maH wej ben qaSmo' nuv 
Do'Ha' vIqawbe'. SoHpu''a'?

>Sent from my iPad
>
>On May 5, 2012, at 10:16 PM, Qov <robyn at flyingstart.ca> wrote:
>
> >
> >> Klingon Word of the Day for Saturday, May 05, 2012
> >>
> >> Klingon word: jer
> >
> > DaHjaj yaH qochwI'vaD mu'vam vIja'. nughuHlaw'. jerchugh muD Duj 
> qay' QuQ.  'ej DaHjaj mapuvtaHvIS jer muD Duj. lojchoHmo' wa' 
> ngaSwI' nIn qaS. latlh ngaSwI'vo' nIn vIlo'choH 'ej qay'be' 'ach 
> ngugh ngaSwI'vetlhDaq ratlh wa'maH tup nIn 'e' vIHar.
> >
> > wa'leS {'eng}, {chach}, {puy} ghap yIlabQo'!
> >
> > - Qov
> >
> >
> > _______________________________________________
> > Tlhingan-hol mailing list
> > Tlhingan-hol at stodi.digitalkingdom.org
> > http://stodi.digitalkingdom.org/mailman/listinfo/tlhingan-hol
>
>_______________________________________________
>Tlhingan-hol mailing list
>Tlhingan-hol at stodi.digitalkingdom.org
>http://stodi.digitalkingdom.org/mailman/listinfo/tlhingan-hol