[Tlhingan-hol] nuq bop bom: 'ay' cha'vatlh cha'maH loS: veQ lI'

[Qov]

The rebel group has just been joined by a group of guards, two of 
whom are members of qImyal's elite corps.

CONTENT: In this episode a limb is severed and body fluids and 
disruptor beams abound. Previously broken furniture is present, but 
I'm not sure why I am pretending that anyone is squeamish about furniture.

224
veQ lI'

DaH ghom luDorlI' Hung yaS 'ach qaD pagh. lotlhrup'a' Duj naQ? 
ghobe'. chobDaq lommey baQ juS. QuD qellu'DI' Qochlaw' 'op. Heghmey 
ral SIQba'pu'. vagh lommey toghpu' vajar. puSqu'. jatlh vajar, 
"nuqontaH Hung HotlhwI'mey. qatlh naDev nubotbe' mangghom?"

jatlh nISwI' beH qengbogh 'avwI', "Dotlh SovmeH ra'wI'pu', cham, 
ghoqwI'pu' je wuv. Sovbe'chugh ra'wI', vanglaHbe'. Sovchugh ra'wI', 
vangvIp." Sogh ghaHpu' lom'e' SIqbogh 'avwI' 'e' tlhoj vajar. 
batlhHa' ra'law'ta'.

jatlh Hung yaS, "be'tlhar yIlIjQo'." be'tlhar lIjbe'pu' vajar. 
qevpobDaj rIQ Hot. ghoStaHvIS ghom tlhejchoHtaH latlhpu'. veDDIr 
tuQtaH. naQDaq veDDIr Hoch qeng vay': joqwI' chenmoHta'. chemvaH 
rurbogh Ha'DIbaHmeyvetlh'e' wampu'mo' Hoch, veDDIrvetlh 'ay'mey SuqlaH.

chob lumejlI'. chaH tlhopDaq choQ tIn tu'lu'. 'aH law' ngaS. 
DelnISchugh vajar, bIHvaD <veQ lI'> per. SaH raSmey lughorlu'pu'bogh, 
baS chuv, quSmey ngo', SeHlaw 'ay'mey je. choQDaq lughoSchoH lotlhwI' 
ghom. *Dugh* HanDogh chevlu'bogh legh vajar. nuDmeH joDDI' ghaH 
bIngDaq muD DuQ nISwI' tIH. tlhe''egh vajar. bachwI' leghpa', 
bachwI'Daq muvpu' cha' tIHmey bachta'bogh lotlhwI'pu'. loj bachwI' 
wa'DIch 'ach luDech latlhpu'. jonwI' choQ Hublaw'meH, chob pImvo' 
pawlI' nawlogh 'ej lotlhwI'pu' HIvchoHta'.

yoD'eghmeH vajar, HanDogh, baS 'ay'mey je 'emDaq So''eghchoH. 
bachtaHvIS negh Daqchaj chov vajar. tachDaq nISwI' beH jonbe'pu' 
vajar. negh nISwI' beHmey HoS law' vajar pu'HIch HoS puS, vaj DaqDaj 
'angbe' vajar. wa' mang wIv vajar. SIchmeH vajar veQ joj ghoS. jagh 
SuvtaHvIS Hota'ro' ghutar je ghoghmey QoylaH. qaStaHvIS may' beq 
wuvlaH 'e' Sovmo', jagh buS.

Qeqqu'meH jagh mang, baSDaq beHDaj lanta'. pay' mang retlhDaq 
QamchoHDI' vajar, beH botmo' Qutlhbogh baS, nom tlhe'laHbe' mang. 
vIHchoH vajar betleH. jagh DeS chev 'ej 'oHvo' nISwI' beH tlhap 
vajar. jach loD. DeS chevlu'pu'bogh leghDI', taj lelmeH latlh ghop 
lo' 'ach qIpqa' vajar betleH 'ej reghqu'mo' pujchoH. DejchoHtaHvIS 
nISwI' tIH bot porghDaj ghIq tlhoS vajar qIp latlh tIH. choQ qIpDI' 
lom Qoybe' vajar chuSqu'mo' may'. 'Iw, HuH, muD tatmey je larghlaH. 
may'na' 'oH.
----
SKI: qImyal-loyal troops attack the rebels in a scrapyard.