[Tlhingan-hol] nuq bop bom: 'ay' cha'vatlh cha'maH wej: qImyal mIwmey ghovlaH

[Qov]

vajar stands holds his betleH high, declares his honour and 
innocence, and advances on the guards.

223
qImyal mIwmey ghovlaH

wej bachpu'mo' 'avwI'pu', bachqangbe' chaH 'e' tlhoj vajar. vajar 
luqop luneHtaH. qaSbe'jaj. ghop pep latlh 'avwI' le', QupwI'. nuH 
'uchbe'taH ghop. veDDIr 'ay' cha'taH. chIS 'ej Hurgh veDDIr. chay'? 
toj'a'? "Ha'," jatlh moch. "pemoD." bachpu' pagh. toj pagh tojbe'? 
to' Huj 'oH 'ach jonwI' choQ lughoSqa'lI'.

ghutar chol Qupbogh 'avwI' le'. DIS neHlaw'. ghutarvaD lut ja'lI' 
'avwI'. DaHjaj DaqwI' jan jIHtaH 'avwI' Qup 'e' ra' qImyal. 
ghoqwI'Hey DujDaq labwI' jomlu'. Dal Qu'. QongtaH ghoqwI' ghIq vemDI' 
Qolpu'mo', Duj chIm jIHtaH. ghIq jol Qoy 'ej chegh ghoqwI', meb je. 
qImyalvaD wanI' ja'pu' 'avwI', ghIq 'IjtaH. rIpDuy[330] Qa'bar ghaH 
ghoqwI'Hey'e' QIt 'e' tlhoj 'avwI'. DevwI' quv 'IjtaHmo' bIt 'avwI' 
Qup 'ach meHDaq qImyalvaD wanI'mey QoylaHbogh labtaH. nov lujollu' 
'ej Qa'barvaD QIn ghajlaw'pu' nov, 'ach nIHlaw'pu' vay'. qImyalvaD 
De'vetlh ja'pu'DI' 'avwI', Qay' qImyal. vajar qoplu' 'e' ra' 'ej 
joy'wI' pa' ghoS. 'ach QIn nIHbe'lu'pu', QIn luSam 'ej lucha'. lut 
'IjtaH ghutar, pagh jatlhtaHvIS. ghelmeH, qagh neHqu' vajar, 'ach 
SeH'egh. maghwI' ghaH qImyal'e' 'e' 'ang QIn.

jatlh 'avwI' Qup, "qImyal vItoy'meH ta'mey quvHa' vIta'bejpu', 'ach 
wo' vItoy' 'e' vIHar. pIpyuS vIghorvIpbe'. DaHjaj wo' toy'be'bogh 
ra'wI''e' vItoy' 'e' vItlhoj." qImyal Sa' rI'be'pu' 'avwI' Qup. 
mochDaj rI'pu'. ngeblaH QIn 'e' lughet 'e' lunID 'ach qImyal 
ta'meyna' ngu'laHmo' neghvetlh, qImyal mIwmey ghovlaH. ngebbe' pum. 
tlhIngan DevwI' puqloD chotpu' qImyal 'ej qaStaHvIS yIn naQ HeSDaj 
So'meH vangpu' qImyal. 'ej HeSDajmo' cheppu'. ghu' lucherghlaHbe'. 
lotlhrupbogh Hung 'ay' negh lughomDI', tlhejchoH.

jatlh 'avwI', "vItoy'ta'mo' not loD quv jIHqa'laH, 'ach SanwIj 
lubechnISbe' latlhpu'."

jatlh ghutar, "qeylIS toy'choHDI' tIqlIj, bIquvqa'." ghutar 
DIvHa'moHghachHey lajDI' 'avwI' SIbI' SotHa'choH.

jachrup vajar. <wa'maH chorgh ben boghpu' mangvetlh! HeSmeylIj 
qIllaHbe'!> jatlh neH, 'ach ghutar luvoq tlhIngan 'ej ghaHmo' quv 
chav 'e' luHar.
----
SKI: The special guard is on the side of the rebellion, and confesses 
why to ghutar.
---
[330] Yes, it's a compound coinage for "member of the high council". 
If it's something I would make up in English for a story, then I've 
decided I'll be okay putting it together for this one.