[Tlhingan-hol] nuq bop bom: 'ay' cha'vatlh chorgh: baSQo'

[ghunchu'wI' 'utlh]

On Tue, Jun 5, 2012 at 1:32 PM, Qov <robyn at flyingstart.ca> wrote:
> 208: baSQo'

pong 'oH'a' mu'Heyvam'e'?

> jatlh Qa'bar, "puqloDwI' HoHta' qImyal! bong yelwIyyItnganvetlh yab Qaw'pu',
> ghIq QaghmeyDaj So'meH 'oqnab HoHta' 'ej chunwI'pu' pIchta'. 'oqnab HoHta'

'oqnab ghaH Qa'bar puqloD'e' qar'a'? vIQoyDI', DIvI' Hol ngem HuDHom ponglaw'.

> 'ej qaStaHvIS wejmaH wej DIS HoHwI' nejlI' 'e' maq." SaHbe'bogh qImyal

pa' SaHbe' 'ej latlhpu' SaHbe'.

> HughDaq QeychoH Qa'bar ghopDu'. DevwI' QeH Sujbe'meH vIHbe' 'eSSIm, Mahoun
> 'uchtaHvIS.

DoS moj neHbe'. 'op Hu' Mahoun rur.

> pay' jatlh Qa'bar, "qatlh QInvetlh lanta' Qel? ngebbe' chay' 'e'
> vISov?" Qel lut QIj 'eSSIm. jot'eghmoHlaw'ta' Qa'bar. 'eSSIm 'Ijqu'. tamey
> bejqa'.

jotchugh QublaH. bIj naS nablaH. potlh ruv 'ach bortaS nIvqu' 'oH bortaS'e'.

ghorgh vavDaj quvna' qelchoH 'eSSIm?

> wewchoH 'eSSIm QumwI'. jang. Mossam ghogh Qoy. cheghlaw'pu' Farsajii.

wej 'oH pIHlu' qar'a'?

> 'eqqu'.

toH, qar.

> Mahoun vemmoHlaHbe' 'eSSIm. mughwI' ngaSbe'mo' QumwI'vam ngo' 'ej
> yel Hol jatlhtaHmo' Mossam, HungpIn yajlaHbe' 'eSSIm 'ach mu'Daj loylaHbej.
> Mahoun yInroH SamlaHbe' Farsajii.

Daq lugh Hotlhbe'taH...Qo', yInroH botba' Qa'bar DujHom botjan, So'wI' joq. yIntaH Mahoun 'e' lutu'be'nIS *veS* noch.

> QumwI'vaD jatlh 'eSSIm, "Heghpu' Mahoun.
> lom, 'aHDaj qoj DaneHchugh qachwIj tlhop QuvDaq yIQol." 'eSSIm mu'mey
> mughlaH Farsajii De'wI'.

'ej DaqlaH *veS*. vaj Mahoun yIn choqmeH nepnIS. Mossam QuchmoHbe' De' jay'.

> tamtaH Mossam. lujpu' jabbI'ID 'e' SIv 'eSSIm. yel Hol jatlhchoH Mossam.
> jatlh 'eSSIm, "Mossam, qayajlaHbe'. mughbe' QumwI'vam. DaneH'a'?"
> 
> jatlh Mossam, "Hajaa."

Hol pupHa' QIch pupHa' joq yajmeH vay', tlhIngan Hol yajchu'nIS 'ej po' qonwI' 'e' voqnIS.

> Qolta'DI' Mossam 'e' tu'DI' noch, pa' Qol 'eSSIm. yIQ Mossam mIn Dechbogh
> pob'e' 'a jottaH[220]. buq tun qengtaH.
> [220] Hey. Maltz, "eyelashes," would that be that so hard?

"Eyelid hair" might work...if we had a word for "eyelid". But that might imply furry eyelids. I never really thought about it before, but eyelashes are a unique kind of hair, arranged in a neat linear array. It does make sense for them to have a special name.

> jatlh 'eSSIm, "Heghbe'pu' maHun. yIntaH. peghnIS. yaj'a'?"
> 
> jatlh Mossam, "Mahoun. Haja."
> 
> Mossam volchaH HotDI' 'eSSIm, DujDaq be'pu' jol Qa'bar. ravDaq QottaH
> Mahoun. ghaHDaq ghoS Mossam. retlhDaq torchoH nom jatlh'eghtaHvIS. MahounvaD
> jatlhbe'law'. chaq QunchajvaD jatlh. Mahoun nach HotDI' loQ Sup Mossam.

merlaw' vay'. nuq tu'?

> Mahoun porgh tlhe' 'ej nuDchoH. 'eSSIm pumlaw'. QIt jatlh 'eSSIm, "QongtaH
> neH. HIq. chech."

Do'Ha' mughwI'Daj laghta' 'eSSIm. ghaytan mughlaH Qa'bar De'wI', 'utDI'.

> QumwI' lelchoHDI' Mossam jatlh 'eSSIm, "Qo'! qaja'pu'!" 'ach QumwI'
> poSchoHlI' Mossam. QumwI' 'uchbogh ghop SeHmeH jop 'eSSIm. Qapchu'. Mossam
> ghopvo' chagh QumwI' 'ach latlh ghop peplI' Mossam, pu'HIch QeqtaHvIS. pu'
> nge'meH yapbe' 'eSSIm Do. Mossam woS qIpmo' 'eSSIm, QeqHa'moH 'ej 'eSSIm
> nach juS tIH.

ghuy'cha'! nuq mup? Qa'bar Duj QIDtaH'a'?

> Mossam 'emvo' pu'HIch 'uchchoH 'e' nIDDI' 'eSSIm, bachqa'. tIH
> DoS leghbe' 'eSSIm. ret'aq luSeHmeH vaytaHvIS be'pu', MahounDaq pum Mossam
> 'ej MossamDaq pum 'eSSIm. jach Mahoun.

(I'm starting my wish list early. A word for "pile", either noun or verb, would be useful.)

> HIch SeHchoH 'eSSIm ghIq
> ghopDu'chajDaq gho'qu' Qa'bar DaS.

<-Daq> yInop. 'utHa'moH <gho'>.
(loQ mumISmoH <ghopDu'>, <-chaj> vIyajpa'.)

> pu' luchaghDI', ghobwI'pu'vo' pup
> Qa'bar[310].

maj. DaH ja'chuqlaH 'ej ghotpu' tay DalaH.

> jatlh Mahoun, "baSQo'! yIbaSQo'!"

<ch> jatbogh vIghov. 'ay'vam per vIyajchoH.

> [310] This grappling scene was choreographed in my kitchen, using a dymo
> labeller, my husband, and a friend with twenty years of martial arts
> experience.

nuq DapernISpu'...toH, jIQIp. pu' lIw 'oHba' per chenmoHwI''e'.
"Set phaser to K...Fire! Set to I...Fire! Set to L..."

-- ghunchu'wI'