[Tlhingan-hol] nuq bop bom: 'ay' cha'vatlh wa'maH Hut: Hurgh wa' Dop - chIS latlh

[Qov]

After vajar's party grabbed one of the guards come to arrest vajar, 
the captured man asked to join their mutiny, to be "in the honourable room."

Content: execution is discussed and gruesome death implied with no 
details. Also someone has a black eye.

219
Hurgh wa' Dop - chIS latlh

SaplI'bogh 'avwI'vaD jatlh vajar, "pa'vamDaq neH quv Hublu'chugh, 
maluj. nIchaw'chugh yaSpu'vam, yaHlIjDaq yIchegh. nawloghlIj 
yISovmoH. Dat quv yIHubrupchoH."

"chay' quv HubrupwI'pu' vIngu'laH?" jatlh 'avwI'.

"bISov. ta' quvHa' ra'DI' yaS, qaDvIpbe' tlhIngan quv. SIbI' bep," 
jatlh vajar. "Ha', reghovmeH Ha'qujrajDaq veDDIrvam 'ay' tItuQ." 
veDDIr chIS lunobpu' ghutar Hota'ro' je woH vajar 'ej 'oHvo' machbogh 
'ay' puS chev. 'avwI'vaD nobchoH 'ach 'avwI' DeSDu' 'uchtaHmo' yaSpu' 
lajlaHbe'.

"wItlhabmoH neH 'e' DapIH'a'?" jatlh qama' qIppu'bogh ya 'ay' 
Sogh'e'. "DuQuchmoHmeH DaH qang. wItlhabmoHDI' SIbI' numagh."

jatlh vajar, "nuq maghlaH?"

pa' HeHDaq vajar lutlhej Qochbogh yaSpu'. jatlh wa', "HoD, loD quv 
SoHmo' pIvuv, 'ach yImaw'Qo'. maQapmeH maHIghnIS. ghoqwI'Hey 
wItlhabmoHlaHbe'. wIHoH 'e' vIchup."

'Il mang 'e' Har vajar, 'ach ram. morghwI'pu' ngoQ, Degh je Sovchugh 
Hoch, lI'. may' law' SIQpu' vajar 'ej ngoDvam Sov: qaSpa' may' ghol 
Dajonchugh 'ej qama'vetlhvaD QIn Danobchugh, qama' DatlhabmoHDI' 
SIbI' QIn Hev Hoch. rut ghol ghIjmeH qama'vaD HIvwI' mI' ngeb ja' 
vajar. luHarbe' ra'wI'pu' 'ach Harmo' QaS, Qap to'. cha' qama' nov 
jonpu'DI', chaHvaD jeghmeH mIw Del vajar, ghIq wa' qama'vaD 
jeghbe'wI' San 'agh, bejtaHvIS latlh[271]. qama' cha'DIch 
tlhabmoHlu'ta'DI' tugh jegh HochHom. 'IltaHchugh 'avwI'vam vaj 
latlhpu' muvmoH. tojtaHchugh qay'be'. ra'wI'vaD, nawloghDajvaD je QuS 
Delbej. *veS* yaSpu'vaD to'Daj QIj vajar, 'ej tugh Qochbe'. pawDI' 
'avwI ghom veb, qama' luQorghtaH luneHbe'. qama' lughoSqa'. DaH 
veDDIr 'ay'mey chIS tuQtaH 'op tlhInganpu' 'e' legh vajar.

bej 'avwI'. Qamqu' 'uchlu'taHvIS. qIplu'pu'mo' SoQchoHlI' nIHDaj mIn. 
qoy'be'. jatlhbe'. Heghruplaw'. ghaHvaD veDDIr 'ay' mach muchqa' 
vajar 'ej Qochbe'mo' latlh yaSpu', 'avwI' lutlhabmoH lujonpu'bogh SuvwI'pu'.

Ha'qujDajDaq veDDIr 'ay tuQmoH 'avwI'. yuQvo' rurbogh veDDIrmey 
qempu'mo' HochHom, Deghchaj ru' naw'laH Hoch. jatlh 'avwI', "Qapjaj quv."

lojmIt 'avbogh tlhInganpu' ghuHmoH vay'. mej 'avwI' 'e' luchaw' 
pawpa' latlh QaS.
---
SKI: vajar persuades the others to release the guard who claims to be 
on their side.
---
[271] vajar's a nice guy, but don't forget that he's still a Klingon. 
Gruesomely killing an alien enemy prisoner while another watches is 
not the same thing as executing a Klingon who was obeying orders.