[Tlhingan-hol] nuq bop bom: 'ay' cha'vatlh wa'maH chorgh: che'ron wIvlu'

[Qov]

Two guards entered the room, reportedly to arrest vajar.

218
che'ron wIvlu'

yoH 'avwI' wa'DIch. jatlh, "nuqDaq ghaH vajar HoD'e'? HeSwI' ghonob."

"naDev jIHtaH. HeSmeyqoqwIj tIper," jatlh vajar. vajar SIchmeH 
ghom'a' juS 'e' nIDDI' 'avwI' wa'DIch, 'avwI' lu'uchchoH lopwI'pu' 
'ej nuHmeyDaj nge'. Haw' latlh.

mej je mebpu' puS 'ach ratlhtaH HochHom. 'avwI'pu'chaj 'omqangmo' 
*veS* yaSpu', vajar lumer 'ach Dujvam ghu' lucherghtaHmo' lumerpu' 
je. nIn ngaSwI' rur quvchaj. qoD leghlaHbe' vay' 'ach SachtaH SIp 'ej 
panDI' vay', pay' jor 'ej qul leghlaH Hoch. tugh latlh qopwI'pu' 
lungeHlu' 'e' luSov, 'ej ghaytan law' chaH. pa' HubrupchoHmeH nom 
vang tlhInganpu'. raSmey tlhe'ta' 'ej raS HeHmeyDaq raSmey lan. Hung 
qonwI'mey HotlhwI'mey je Qotlh. jorwI'mey lutlh chenmoHmeH HIq balmey 
lo'. QumwI'mey lo' 'op yaSpu'. Hol poD, per yuD je lo'. lojmItmey 
'avchoH qoj botchoH. patmey naw'meH, lo'laH lojmItmey poSmoHlI' 
chamwI'pu'. jeS Hota'ro', ghutar je. chIch che'ronvam luwIvbe'pu' 
'ach DaH lucherta'mo' ghol qaDrup.

'avwI' lujonpu'bogh yu'choH ghom'a'. yaS patlhmey vuvmo' 'avwI' mIS, 
jang 'e' nID, 'ach 'Iqmo jachtaHbogh yu'wI'pu', moghchoH. jatlh, 
"jISovbe' jay'! HIpIchQo'! vIra'lu'DI' jIlob neH. wo' vItoy'!"

jatlh yaS QeH, "bIlob'a' neH? bIQIp'a'. bIQublaHbe''a'?" 'avwI' qab qIp.

Ho'Du' 'ang 'avwI'. noD 'e' nID, 'ach lu'uchtaH ghom'a'. HoHruplaw' 
yaS QeH. yu'wI'pu'Daj Saghqu' chov 'avwI'. lopno'chaj luqaghpu'mo' 
'avwI'pu', reH'a' yaSpu'? ghobe'. jatlh 'avwI', "jIQIpbe'bej, qaH. 
ta'mey'e' poQbogh wo' vISovlaHbe'. ra'wI'wI' vIvoqnIS. jaS QaplaHbe' 
may'Duj tIn." tlhuHqu' 'avwI' 'ej HughDajDaq nom Sach 'ej SachHa' 'aD 
'e' leghlaH vajar, 'ach jottaH ghogh 'ej meq lu'agh mu'meyDaj. wo' 
lutoy'taH negh QaQ.

jatlh vajar, "wo' toy'be'chugh ra'wI'Daj, nuq 'oH tlhIngan mang Qu''e'?"

"vIqaDnIS," jatlh 'avwI', "'ach wa'Hu' ra'wI'wI' numlu'. not batlhHa' 
mu--" yev 'avwI'. jang 'avwI' 'e' luQoymeH jachbe'choHpu' ghom'a'. 
luDechbogh tlhIngan qabDu' Sagh leghqa' 'avwI'. jatlh, "QI'yaH. 
ra'wI'wI''e' bopbe', qar'a'?" nachDaj tlhe' mang, qIQlaw'wI'pu' 
DevwI' nejtaHvIS. vajarvaD jatlh, "SaQaH. pa' quvDaq jIQam vIneH. 
wo'na' vItoy'meH jISuvlaHqu'."
---
SKI: vajar's "birthday party" captures and interrogates a guard and 
then prepares for more of them.