[Tlhingan-hol] mapuSchoHlI'

[ghunchu'wI' 'utlh]

On Thu, May 24, 2012 at 2:41 AM, De'vID jonpIn <de.vid.jonpin at gmail.com> wrote:
>
> ghunchu'wI':
>> yap Sep. puj malja' 'ay'vam neH.
>
> Do'Ha'qu'.  pujchoHtaH malja' 'ay' 'e' DapIH'a'?  pagh SIbI'Ha' puSHa'choH
> 'e' DapIH'a'?

qaStaHvIS wa' DIS poH puj wISIQ net maq. mejnIS latlhpu' net temchu'.
cha' nem ghur Qu'maj 'ej ghaytan vumwI'pu' DISuqqa', 'e' lulay'
vu'wI'pu'.

maqta'. temta'. lay'ta'.

neppu'.

DaHjaj po wIja'lu': loS waQ mejnIS latlh jonwI'. Do' cha' Hogh pIq
bupta' yaH qochwI' 'ej mej pagh net raDnIS. Do'Ha' DaH *wej* nuvpu'
Qu'mey vIta'nISchoH. Do' DaH tlhoy jI'utmo' jIratlhbej. Do'Ha' nom
vInatlhlu' jIyepbe'chugh. Qu'mey patlh vIbuSqu'nIS.

> Qoblaw' ghu'.  nab chach yInab.

QaD qorDu'wIj. qaStaHvIS loS DIS mataHmeH yap jomaj, vabDot Huch
vIbajbe'taHchugh. ngabchugh DaHjaj ghIgh, latlh vISambej.

-- ghunchu'wI'