[Tlhingan-hol] nuq bop bom: 'ay' cha'vatlh wa'maH Soch: romuluSngan SuvchoHmeH ngeD
Qov
robyn at flyingstart.ca
Tue Jun 19 23:26:58 PDT 2012
vajar's fake birthday party has been going well.
Content: alcohol consumption and improper use of furniture depicted.
217: romuluSngan SuvchoHmeH ngeD
Hota'ro' ghoS vajar 'ej DaQDaj luH. noDmeH DIng Hota'ro' 'ach vajar
Hotpa' mev'egh. Hagh vajar. jatlh, "reH bIDugh. QaplI''a' nablIj?"
"HIja'," jatlh Hota'ro'. "yIlegh. QujvetlhvaD boqchuq ngaH Sogh, ya
Sogh je. DaH yeqmeH 'ebmey jonlI'mo', cha' rep pIq chaq voqchuqqang."
vumtaHmo' Dach ngaH. SaH Qoreq[258]. Suchta' qaH'eng 'ach yaHDajDaq
cheghnISpu'. reH vum'a' be'vetlh? SaH Qugh Qel, 'ach tugh mej. ratlh
wa' latlh Qel, rachwI' puS je. vajar lumer SaHbogh nuvpu' mI'.
vaghmaH nuv lutu'lu'. may'mey law' SIQpu' yaSpu'vam 'ej yaymey Dun
chavtaH. lutmey 'IjtaHvIS vajar, yabDajDaq chentaH nger. quvHa'taHmo'
Duj, quvHey luchavmeH may'Daq Suvqu'. 'ach quvna' luneHba'. yaSpu'
mInDu' bejtaHvIS vajar lotlhruplaw'ghach ghovlaw', 'ach chay' vang.
jatlhbe' vay', <mInDu'lIjmo' qImyal Sa' DaHoH DaneH 'e' vISov. Ha'!
meH wIjevjaj!> romuluSnganpu' jeynISlu'DI' ngeD ghu'.
pa' 'el ne'. nom ghutar chol 'e' bej vajar. ghutarvaD jatlhtaHvIS
vajarDaq SIq 'ej bej. mejDI' ne' SIbI' vajar chol ghutar. tlhupchoH.
jatlh, "vajar HoD, nIqopmeH ghoSlI' qImyal 'avwI'pu'."
jatlh vajar, "qatlh? chaw' Hutlhmo' lopno'wIj jay'?"
jatlh ghutar, "ghobe'. qama' Sevmeyvo' De' DanIHta' net jatlh.
Saghqu' ghu'. DuHevbeHchoH joy'wI' pa' 'e' ra'. DaH pa' ghoSlI' Sa'."
"Dap!" jatlh vajar. betleH pep 'ej raSDaq QamchoH. HoSba'mo' raS
ghorbe'.[253] jatlh vajar, "vIjonlu'pa' jIHeghjaj." lunaD nuv law'
'ej tlhutlh. HIq naD neH vajar 'e' luHar 'ach tlhIngan qa'chaj pIlmoH
vajar mu'mey.
"tlhIngan maH!" jach vay' 'ej mu'mey Sey tlhoQDaq DuDchuq naDmey law'.
"bIng ghoS!" jatlh ghutar. "nISwI' tIH." yaj vajar. raSDaq
ghaHtaHchugh QeqlaHchu' 'avwI'pu'. bong yaSpu'chajDaq bach
luneHbe'mo' 'avwI'pu' vajarvaD rav qaq law' raS qaq puS. ghutarmo'
Hagh 'op 'ach Sagh ghu' 'e' tlhoj 'op. HIvje'mey roQ 'ej nuHmey lel.
pa'Daq lenglI' Sov yu'egh. tach lu'elDI' cha' 'avwI'pu', may'morgh
lurur Suvrupbogh lopwI'pu'.
---
SKI: A runner arrives to report that guards are on their way to arrest vajar.
----
[253] I am so glad we have a word for table. This would be a really
awkward scene without that. If you don't remember speaking tlhIngan
Hol before {raS}, then you're a spoiled newbie.
[258] The other lieutenant vajar met the day he visited engineering.
He's a metals specialist, not that that's important right now.
More information about the Tlhingan-hol
mailing list