[Tlhingan-hol] nuq bop bom: 'ay' cha'vatlh wa'maH jav: chaw' tlhIngan qa'

[Qov]

Having learned that many *veS* crewmembers were on the edge of 
rebellion, vajar and crew polished up their weapons in preparation 
for a fake birthday party.

Content: There is no blood, sex or death in this chapter.

216: chaw' tlhIngan qa'

'et tach Daq raSmey DoQ vajar, Hota'ro' ghutar je, 'ej vajar qoSqoq 
luloprupchoH. raSmeychaj chol Hung lagh Qup. jatlh, "lopno' bocher net joS."

jatlh ghutar, "lugh joSmey, lagh. bIjeS net chaw'. HoDma' qoS wIlop. 
vajar HoD yIqIH."

Qorwagh'a' SIq vajar 'ej jatlh, "lagh, qatlh gharben cha' mabavtaH? 
wa'Hu' mamej net Hechlaw'."

lagh qaghta' vajar 'a jang lagh. jatlh, "QI' peghmey vI'angQo'."

Hagh vajar. jatlh, "vISovbe' je. qaStaHvIS rep maratlhchugh, jeS ghor 
Dabbogh rewbe''e' vIneH. chay' ghaHvaD SuchwI' chaw' vISuq?" 'eSSIm 
Dotlh 'ol neHqu' vajar 'ej DujDaq ghaHchugh QuSHeychaj yajchoHlaH. 
Hoj lagh. jatlh vajar, "mochlI' yIghel. tej quv ghaH. 'eSSIm 'oH pongDaj'e'."

jatlh lagh, "Satlh tej ghaH'a'? DaHjaj bIQtIqDaq pumpu'. DaH nejlI' 
negh." va. lujlaw'pu'DI' qul, bIQ lutam.

jath vajar, "Do'Ha'qu'. lutoDjaj. luSamchugh HISovmoH, lagh."

jatlh lagh, "vajar HoD, lopno'raj chaw'ta' 'Iv?" Qu'Daj qawtaH lagh.

jatlh vajar, "DujvamDaq puchpa'Daq muDornIS vay' 'ej lopno' vItIvmeH 
chaw'nIS'a' vay' jay'? lopno'vam chaw' tlhIngan qa'wI'! wej 
maHeghpu'mo' neH DujwIjDaq lop beqpu'wI'. loprupDI' chaH, HIq 
vIqemta' jIH. tlhIngan SoH! yIlop! qay'chugh, mochlI' yISuq." 
morghmeH nuj poSqa'lI' lagh, 'ach vajar 'emDaq vay' leghlaw'pu'mo' 
Qamqu' 'ej van.

leghmeH tlhe''egh vajar. jatlh ghutar ghogh tam, "HungpIn chu' ghaH." 
HungpInvaD jatlh ghutar, "HoD! lopno'majvaD bIjeSneSmo' Dunqu' 
lopno'. HIq Segh DamaSbogh yIngu'." laghvaD lI'bej Dupvetlh 'ach 
HungpInvaD valbe'law'. butlh ghaj ghutar.

tam HungpIn. QIt raSmey, HIvje'mey, lopwI'pu' je Hotlh mInDu'Daj. 
vajar bejqa'. tagha' jatlh, "raS tIghorQo'." mej. leS Hung lagh 'ej 
HIq tlhutlhchoH. raSmey lIS 'e' boQ.

reH loprup tlhIngan. tachDaq ghomchoH nuvpu'. paw' ghutar 
juppu'HeyDaj je, HIq lutlhutlhchoH. pawtaH mebpu'. SaH jonwI'pu', meH 
beq, Hung yaSpu', 'op ya 'ay' yaSpu' je. vajarvaD veDDIr chIS 
luwampu'bogh lunob ghutar, Hota'ro' je. nom luteypu' 'ej wej 
lutunmoHchu'pu'[270] 'ach quvmoHmeH lunob 'e' yaj vajar. HIq 
lutlhutlh 'ej lutmey quv ja' 'ej batlh Qorchuq, HaghtaHvIS 'ej Huch 
SuqmeH SuDtaHvIS latlhpu'[252].
---
SKI: Booze, fighting, gambling, presents, tacit approval from the 
cops ... vajar's birthday party is going pretty well.
----
[252] Hmm, there's no canon object for SuD, is there? This started as 
{Huch SuDtaHvIS latlhpu'}.
[270] That ship must reek, with all those Klingons trying to tan 
their newly acquired souvenir pelts!