[Tlhingan-hol] nuq bop bom: 'ay' wa'vatlh HutmaH Hut: qughwI' mach

[ghunchu'wI' 'utlh]

On Sat, May 26, 2012 at 5:49 PM, Qov <robyn at flyingstart.ca> wrote:
> lugh Mahoun chIjwI'. naDev Saqpu' pIvlob chavlaHbogh Duj mach'e'. Doj Duj.

jItuH. Dujvetlh Delpu'bogh Tiadynsan vIlIjchu'pu'. ('a jIHem je,
chIjwI' pong vIlIjbe'pu'mo'.)

> jol rav lItHa' 'eSSIm. 'etDaq meH SeHlaw tu'lu'. 'o'Daq SoQtaH cha'
> lojmItmey. Duj botlhDaq vutpa', raS, De'wI', quSmey je lutu'lu'.

"RV" rur Dujvam mach.

> Say' Duj
> qoD 'ej Dach 'avwI'pu', toy'wI'pu' je. jatlh 'eSSIm, "beq Daqembe'pu''a',
> joHwI'?"
>
> jatlh Qa'bar, "rut peghmo' Qu', Sov pagh 'e' vImaS." nuq 'oH Qu'vetlh'e'?

ja'ta'DI' Qa'bar, SIbI' jIghel, ghelpa' lut. Mahoun bopba'.

> qatlh gharben cha' ghoSta' DevwI''e' 'ej qatlh 'eSSIm'e' qIH neH? ghelbe'
> 'eSSIm.

Qa'bar rI'ta''a' *veS* Qel?

> De'wI' HaSta legh 'eSSIm. Mahoun lu'oSbogh 'op mIlloghmey cha'taH.
> Sotlaw'vo' HochHom lutlhaplu'pu'. mIrmey tuQtaHbogh loD langqu' much wa'
> mIllogh.

<cha'> qar law' <much> qar puS 'e' vIQub.
(vaj narghpu'be'chugh mIllogh Qav, ja'lu' wej cha' wa'.)

> nuDmeH chol 'eSSIm. Qupqu' qama'. wa'Hu' nentay loppu' 'e' HarlaH
> 'eSSIm. "HIja', Mahoun ghaH," jatlh DevwI'. "batlh vang."

ngugh qama' neH ghaH. batlh nuq ta'laH?

> ghel neHqu' 'eSSIm
> 'ach Qa'bar patlhmo' tamtaH. ghonDoq lam nuDmeH 'etlh qogh tuQHa'moH 'eSSIm.
> bIQmo' Sachpu' DIr Hap 'ej tlhoS qogh poSmoHlaHbe'. nuHmey Say'moHmeH DIr
> QaD poQ 'eSSIm 'ach tlhob 'e' ngIbe'.

wotvo' narghta' 'e' ngIlba' <l> Dach.

> 'etlh roQ 'ej meHDaq tlhejchoH DevwI'.

roQ 'Iv? tlhej 'Iv?

> SeHlawDaq ba'choH Qa'bar 'ej may'Duj rI'. jatlh, "yelwIyyItngan
> boSamta''a'?"
>
> jatlh meH yaS, "ghobe'. tej neH luSamta'. ghaytan Heghpu' nov. lom nejlI'."

mIS moHaqmey. "tlhIH" tlhob Qa'bar 'e' 'ang <boSam>. "chaH" pIch
jangwI' 'e' 'ang <luSam>. 'ach nejlaw' "ghaH" 'e' chup <nej>. "tlhIH"
Daja'bogh jIHbe' ja'law' meH yaS 'e' vIyajlaH, 'ach muSIvmoHtaH moHaq
Hutlhbogh mu' Qav.

> jatlh Qa'bar, "tej vIqIHpu'. wInejmeH DujwIj vIlo'." jatlhtaHvIS SaqHa' 'ej
> puvchoH Duj. jabbI'ID van Qa'bar 'ej 'eSSImvaD jatlh, "nuqDaq wInej 'e'
> Dachup?" bIttaH 'eSSIm 'e' tu' Qa'bar. QeHmo' SaghchoH DevwI' qab. jatlh,
> "vay' DaSov. Mahoun DaQIHpu''a' SoH, 'eSSIm?"
>
> "HIja'! mutoDtaHvIS DeSDaj vIghorpu'mo' naghmey 'uchlaHbe'," jatlh 'eSSIm.
>
> "vISov," jatlh Qa'bar.

ghelwI' po' qeS pablaw': yIghelQo', jangwI' De' DapIHbogh DaSovbe'chugh.

> "may'DujvaD lutlIj ja'ta' nejwI' ghom bu'. nuq
> Dajatlhbe'pu'?"

toH, jaS ghelchoH. pay' wIvnIS 'eSSIm: nep'a'? vIt'a'? jangQo''a'?

> 'eSSIm yu'lI' tlhIngan yejquv DevwI'. wo' toy' 'eSSIm. loS ben boghpu'DI',
> SoSDajmo' paQDI'norgh potlh ghojpu': wo' potlh law' loDnal potlh puS.

Hu'tegh, qar. pov lut qonmeH laHlIj.

(vIt'e' vIQej. qo'HomwIjDaq vIt potlh law' HochHom potlh puS.)

> purqu'
> 'eSSIm 'ej DaHjaj wanI'mey ja'chu'. tlhogh 'Ip neH nop.

va. pum maHoun 'e' vIQoylaH: <chomagh'a' jay'? chonay'ta', DaH 'e'
Datem'a', taHqeqoy?>

> 'urmangHeyDaj QIjmeH
> jatlh 'eSSIm, "tlhIngan matlh jIH. chun Mahoun 'e' vI'Ip, joHwI'." Mahoun
> maghta'mo' joy''egh 'eSSIm 'ach wo' potlh law' Hoch potlh puS.

'ej wo' 'oSbej Qa'bar. meqmeyDaj vISovmeH jIloSlI'.

-- ghunchu'wI'