[Tlhingan-hol] nuq bop bom: 'ay' wa'vatlh HutmaH jav: vIt 'eSSIm

[ghunchu'wI' 'utlh]

2012/6/11 ja' Qov <robyn at flyingstart.ca>:
>> > nepbe' 'eSSIm. DaHjaj
>> > Mahoun HoHlaHbejpu'mo' SotchoH. DIvbejmo' 'eSSIm, lut 'Il Honbe' negh.
>> ("Operation Mincemeat" lut DaSov'a'?)
>
> ghobe'.

lut teH 'oH. bIQ'a'Daq lom tu' 'eSpanya' bIQDep wamwI'. QInmey pegh
qeng lom. QInmey Hev DoyIchlan QI' Duy. noH nabmey Del. 'ach DoyIchlan
QI' tojmeH tuqjIjQa' QI', lom QInmey je lulanlu'pu'. ngeb QInmey.
Harchugh DoyIchlan ra'ghomquv, QI' DoS muj rach "Axis" mangghom 'ej
DoS teH Hubchu'be'.

loQ ngebmoH HaSta lut: "The Man who Never Was". lom teHmoHlaw'meH, loD
ngebvaD bang QIn qon be'. nongqu' QIn, bangna'Daj qelmo' be'. lom
tu'lu'pu'DI', noH nabmey 'ol DoyIchlan ghoqwI' net ra'. bang QIn
qonwI' ghoch. Heghpu' be' bang, 'ej 'Ilqu'mo' SoQDaj 'IQ Harchu'
ghoqwI'. vaj Qap nab.

>> bIQtIqDaq neH lunejnIS 'e' Qubba'. Dughqu'chugh, chaq waqmeyDaj Sam.
>> ngugh nuq luQub?
>
> DaH nISIgh 'ay' permey 'e' vISov.

Qo'! QalmeH maHoun waqmey teqta' 'e' vIqIm neH.

jabbI'IDmey vIlaDpu'be'chugh, QIn chovnatlh mach cha' Gmail.
jabbI'IDvaD <nuq bop bom> buvchugh, chIch vIleghbe'. bong wanI' vIlaD
vIneHbe'. wa' 'ay' vIjangrupDI', ngo'qu'wI' neH vIlegh 'e' vInID.

> mubuDqu'moH!  muDDujDaq QapHa'choH GPSwIj tlhoS Qu'wIj vIta'laHbe'!

He pup poQ Qu'lIj. Donchu'bogh tlheghmey DaghoSmeH, yap'a' pu'jIn?

> Hov leng vIbejtaHvIS QI' Sun muchbogh negh'e' vIqawbe', Suvbe'taHvIS.

much 'orghenya' Danbogh tlhIngan mangghom 'e' vIchup.

>> chalvetlhmo' chenpu' bang pong net Sov.
>
> lutDaq Sov 'eSSIm neH. naDev luSov laDwI'pu'.

laDwI'pu''e' vIqel.

>> chenpu'chugh ngengHom, jenlaw' qoj. nuv 'ar 'aD?
>
> vISImta' ghIq potlhbe'choH 'ej vIlIj. nuv HoHlaH.

yap.

-- ghunchu'wI'