[Tlhingan-hol] nuq bop bom: 'ay' wa'vatlh HutmaH jav: vIt 'eSSIm
ghunchu'wI' 'utlh
qunchuy at alcaco.net
Mon Jun 11 12:29:34 PDT 2012
On Tue, May 22, 2012 at 10:09 AM, Qov <robyn at flyingstart.ca> wrote:
> vIt 'eSSIm. ba'choH 'ej jatlh,
tlhoS jIbep: jum <ba'choH>. ghIq vIt vItlhoj. "sit down" 'oS, bong 'e'
vIghoj. SovqoqwIj vItI' 'e' vInID.
> "mutoD 'e' nID! bIQtIqDaq mupummoHta'
> HIvwI'pu' vIleghbe'pu'bogh.
naDev <-be'pu'-> pup law' <-pu'be'-> pup puS.
> bIQtIqDaq jIghIr." tlhegh Delbe' 'eSSIm 'ej negh
> leghpu' 'e' chIDbe'. bIQ HurghDaq ghIrtaH 'e' Delchu'. bIQ jaQ Hajlaw' je
> 'IjtaHbogh negh.
QallaHbe'qu' tlhIngan, chaq 'e' luHar je.
> tamtaH; may'lut lu'IjtaHbogh puqpu''e' rur. 'eSSIm toDbogh
> Mahoun ghopDu' Del 'ej DaH lut ja'taHvIS Mahoun ghop 'uchqu'pu' 'e' qawlaw'.
> yeb HomDu' mach tappu' 'eSSIm, ghIq MahounDaq toSta'.
(yabwIj qotlh mu' <toSta'>. jIQIjlaHbe'.)
> nepbe' 'eSSIm. DaHjaj
> Mahoun HoHlaHbejpu'mo' SotchoH. DIvbejmo' 'eSSIm, lut 'Il Honbe' negh.
("Operation Mincemeat" lut DaSov'a'?)
> ghaytan wanI' bejpu'. rIQmo' Mahoun qoj 'uchlaHbe' 'ej toSlaHbe'ba'. Heghpu'
> Mahoun 'e' luHar. 'olpu' neH 'eSSIm.
tlhochbe'bej.
> qojvetlh toSlaw'ta'mo' 'eSSIm vuv negh. jatlh toDwI'Daj Qup, "bIHeghpu'chugh
> quvHa'qu'choH nIpummoHbogh nuvpu'. bIyIntaHmo' Do' je chaH."
chaH'e' pong. 'a Mahoun lunej ghom 'ar?
> jaq mang
> maqtaHvIS 'ach Do'wI'vetlh ghaH 'e' pIH 'eSSIm. DIvlaw' je latlh. Daj.
> ta'Heychaj lupaylaw'.
chaq ghutar luqIHpu'.
> 'eSSImvaD jatlh bu', "lom Daq Dangu'laH'a'?"
>
> vItqa' 'eSSIm. jatlh, "ghobe'! lom yIjatlhQo'. reH 'eb tu'lu'."
toH, Mahoun QaHlaH vItHomDaj 'ach SenglaH je. Mahoun SaHqu' 'eSSIm 'e'
'ang. buQmeH nuH mojlaH ngoDvetlh.
> jatlh bu', "Ha'. wInej. tatmeymo' QapHa' Duj nochmey 'ach DaH DubbejlI'.
> wISam."
bIQtIqDaq neH lunejnIS 'e' Qubba'. Dughqu'chugh, chaq waqmeyDaj Sam.
ngugh nuq luQub?
> QamchoH 'eSSIm 'ej bIQtIq HeDon yIt ghom. Hoqra'mey lo'taH cha'
> negh. cham wuv. lam ghIlthlu'bogh buSHa'chu'.
buDmoHlaw' cham nIv. jISaHbe' -- jIbuD 'e' vItIv.
> Qubqu'law'taH bu'. jatlh 'eSSIm, "nov ghaH, 'ej SuD, 'ach ghoqwI' ghaHbe'.
> 'anDorngan, qo'larngan joq rurbe'chu'."
nub'a' Hoch 'anDorngan? loQ jIHagh. 'eSSImvaD nublaHlaw' Hoch'e'.
> qagh mang Qup. "wa'logh qo'larngnan be' vIngaghta'," jatlh. mIychoH
> latlhpu'. 'eSSIm Harpu' bu' 'e' noHlaHbe' 'eSSIm.
QI' Sun Hutlh neghvam.
> chaH bIngDaq qojvo' pumtaH bIQtIq. bIQ SuvtaHvIS 'eSSIm, qojvam lIjchu'pu'.
vIlIjpu'be'. bIQtIq vIleghmeH qojmey vIbuS.
> SaH 'e' ghovpu'mo' Mahoun, Do'. 'eSSIm qechmey jatlh mang, "pa' pumpu'chugh
> lomna' wInejlI'."
>
> jatlh bu', "lom 'ay'mey bIjatlh 'e' DaHech."
porgh laghchugh bIQtIq ral, chaq Sop ghotI'. Sut 'ay'mey DuH law' lom
'ay'mey DuH puS.
> Hagh QelHom 'ej jatlh ,"bIQ Ha'DIbaHmey pI' tInej. chay' nguv 'IwDaj?"[217]
wejpuH. bIQ Ha'DIbaH qel je ghaH.
> pujwI' Dabe'meH 'eSSIm qu''eghmoH. jup lom 'ay'mey leghvIpbe' tlhIngan.
> jatlh, "SuD je. Qo'noS chal rur."
chalvetlhmo' chenpu' bang pong net Sov.
> ngaDHa' 'eSSIm ghogh. tojnISbe'taH 'eSSIm.
> Mahoun San HajtaHmo' vIt qabDaj. wutlhDaq Mahoun buStaHvIS, bIQtIqDaq Mahoun
> qellaw'taH.
bItqu'bej. 'oy' MahounDaj neHbe'bej.
> bIQtIq qoj bIngDaq ngengHom chenmoHpu' pumtaHbogh bIQ. qojvo'
> bIQ lIghpu'chugh vay', ngengHomvetlhDaq pum.
chenpu'chugh ngengHom, jenlaw' qoj. nuv 'ar 'aD?
-- ghunchu'wI'
More information about the Tlhingan-hol
mailing list