[Tlhingan-hol] nuq bop bom: 'ay' wa'vatlh HutmaH loS: Dejpu'
ghunchu'wI' 'utlh
qunchuy at alcaco.net
Fri Jun 8 07:24:24 PDT 2012
On Sat, May 19, 2012 at 6:55 PM, Qov <robyn at flyingstart.ca> wrote:
> qaStaHvIS vagh lup tlhuHlaHbe' 'eSSIm 'ach lImbe'.
jIghelpa' bIjangta'. bIDoj.
> ghu' chovlI'. loQ
> Dejlaw'pu' 'och. tlhabtaH 'eSSIm volchaHDu' DeSDu' je. QIt pur. 'oy'be'.
> 'uSDu'DajDaq lam tu'lu' 'ach 'uyqu'be' 'ej vIHmoHlaH. rIQbe'law' 'eSSIm.
DaHjaj wIHbe'law' qonwI'. (toH, ghorgh ghop rIQ SIQ 'eSSIm'e'?)
> DImo' 'IvtIHDu'DajvaD Qey 'och.
naDev chaq <-Daq> QaQ law' <-vaD> QsQ puS. Daq'e' Delbej.
> noghchoH. tlhab'eghmoH Duv.
cha' mutlhegh naQ luchevlu'be'. mojaq Hutlh'a' wa'? 'ut'a' chevwI',
rarmeH mu' ghap?
> Qap mIw. 'eSSIm vonlu'be'.
maj.
> 'ach cheghlaH'a'? 'eSSIm tlhopDaq 'och teb lam. waQ. tlhe''eghmeH
> 'eSSIm, 'aqroSDaq DubDaj yuv 'ej ghaH bIng 'uSDu' SIHmoH. DaH tortaH,
> va'nuchDu'Daq ba'taHvIS
(Qaplaw' <va'nuchDaq ba'>.)
>'ej HotchuqtaHvIS DeSqIvDu' qIvDu' je. DaH qamDu'
> Daq nach Daq je tamnIS. Do' vaD 'eSSIm.[214] 'ach vIHtaHvIS, nachDajDaj
pIj chen <-DajDaj> QaghlIj. ghojpu''a' De'wI'HomlIj?
> pumchoH lam naghHommey je. Dujmo' nach Qan 'ach Dejqa'be' 'och. tlhab 'eSSIm
> nach. tlhabqu'. loQ ba'choH. ba'laHchu'. SuS tu'.
>
> mInDu'Daj poSmoH. ngem HurghDaq tortaH. DISvo' narghpu'.
Dun! bIQ 'ochDaq lengnISqa'be'.
> ghoStaHvIS loQ
> SaltaHmo' 'och, ghor SIchpu'. QutlhtaHbogh naghmey, aqroS je yuvDI' 'eSSIm
> Dejpu' yav. bIQ bIng ghoSnISqa'be'mo' Quch 'eSSIm,
Quch 'e' baj.
> 'ach DaH ghorDaq
> SaHtaHmo' lutu'laH noch, nejwI'pu' je. DIS 'elqa'meH 'eSSIm, 'ochvo' lam
> naghmey je teqnIS. pojmeH QamchoH 'eSSIm. lam teqmeH naQ nejchoH.
yapbe''a' 'etlhDaj? chaq ghop mob vaQ law' 'etlh mach vaQ puS.
> ghIq ghoghmey Hop Qoy. mu'mey QoylaHbe' 'ach tlhIngan Hol ghov. Mahoun
> lunejlI'.
DIch ghajlaH'a'? nejlI' 'e' Sovbejbe', mu'mey QoylaHbe'chugh.
> Mahoun luSambe'nIS. 'och 'elqa' 'e' nIDchugh 'eSSIm, Mahoun ghu'
> QobmoH.
jaS DIS 'elqa'meH qojvo' bIQtIqDaq SuplaH. ghaytanHa' ruchqang jay'.
> Sormey bIngDaq loQ yav wovmoH DungluQ jul.
DungluQ 'a'? Hurgh ngem bIja'pu'mo' jImIS. vaj ngem HurghmoHbe'
ram'e'. HurghmoHlaw' Dung tI.
> SaH 'och net leghlaHbe'.
> ghegh neH yav. yav tun So'meH nom pormey, Heghpu'bogh Sor Hap je lo' 'eSSIm.
yav tun vel'a'?
> ghIq ghoghmeyvo' 'ochvo' je qetchoH. ghaytan tatmeymo' lughochlaHbe'taH
> nochmey, 'ach yav ghItlhpu'bogh DaSmey luleghlaH nejwI'pu'. mungDaj So'meH
> ghomey maw' ghoStaH 'eSSIm.
val.
> chIch Sormey ngeQ 'ej ngImbogh lam yIQchu' gho'.
Duy'ba' mu'tlhegh Qav. loQ vIyaj. mujlaw' <yIQchu'>.
> qettaHvIS nablI'. tugh 'eSSIm lutu'. yIntaH 'eSSIm 'e' luSovchoHDI',
> yInlaHtaH Mahoun 'e' luqelchoH. lujoy' tlhInganpu' 'e' Hajchu' Mahoun 'ej
> DaH 'eSSImmo' lujoy' luneH. Mahoun QannIS 'eSSIm. maghwI' ghaHpu'mo' 'eSSIm
> vav'e', 'eSSIm'e' voqbe' Sa'. ghoqwI' ghaHbe' Mahoun'e' 'e' Sovchu' 'eSSIm
> 'ach Sa' ponlaHbe' mu'meyDaj.
Sa' ponlaH vay''e' 'e' vISIv.
> Farsajii luloSnIS.
cheghDI', QuchHa'qu' HungpIn. yolmey law' vIpIH.
-- ghunchu'wI'
More information about the Tlhingan-hol
mailing list