[Tlhingan-hol] jIboH

[Robyn Stewart]

At 09:07 '?????' 7/14/2012, you wrote:


>Qov:
> > DaHjaj javlogh Qoylu'DI' jIvem.
>
>bIlengtaHvIS chay' tera' poH mIch DawIv?  poH 
>mIch veH DajuSDI' tlhaqlIj DalIS'a'?  pagh reH UTC Dalo'taH'a'?

jIvemDI' mebpa'mey mIch vIlo'. Sung poH 
cha'taHmeH lIS'egh QumwI'wIj. QuQmey vIchu'pu'DI' 
tlhaqwIjDaq leQ vI'uy 'ej UTC vIlo'choH. rInDI' 
Hoch Qu'mey 'ej QuQmey vIchu'Ha'pu'DI' leQ vI'uyqa' 'ej Sung poH mIch vIlo'qa'.

>("Universal" Coordinated Time - what a Terran conceit!)

:-)


>Qov:
> > muD Duj jey vInab 'ej vIlI'. nIQ vISop. muD 
> Duj vergh vIghoS. muD Duj vInuD. vIpuv. jISaq. 
> nIn vIje'. jey chu' vIlI'. jIpuvqa'.  (megh 
> vISopbe'. qaStaHvIS jaj not wejlogh Sop 'orwI').
>
>qatlh wejlogh Sopbe' 'orwI'?

chalDaq Qe'mey tu'lu'be'mo' 'ej HuvtaHvIS chal 
poH vInatlh 'e' chaw'be'mo' Qu'. vISop, 'ach nay' 
vISopbe'. naHletmey, naH, granola barmey wISop 
mapuvtaHvIS, 'ach qaStaHvIS jaj puS tlhoS Hoch wISoppu' 'ej je'meH 'eb wIHutlh.

>   ghungchoHDI' 'orwI' qImHa'mo' Qobqu'law' ghu'.  'ortaHvIS SojHom noStaH'a'?
>
>Qov:
> > jISaqqa'. muD Duj vIratlhrupmoH. 'uQ vISop. 
> vIraS Hol jatlhtaHbogh beq vIécoutetaHmo' 
> DaHjaj lutwIj vItI'laHbe 'ej 'ay' vIlablaHbe'.
>
>'ach pourquoi lutlIjvaD bIvumlaHbe'?  poH 
>Daghajbe''a'?  tlhoy parletaH'a' beqvam?  pagh 
>potlhqu'mo' SoQDaj, Dayajchu'meH poH DapoQ'a'?

jajwIj Dayajbe''a'?  latlh poH tu'lu'be'. ra'wI' 
lupwI'Daq QInlIj vIlaDpu'. De'wI'Daq lutwIj 
tu'lu'. QumwI'Daq lut vIpolbe' 'ej Qe'Daq lut qo' vI'ellaHbe'.

>Qov:
> > SomrawDu'wIj vIqaDlaHbe'.
>
>vaj yImI'.  pagh moQbara' yIqeq.

ghorgh?  jIQongtaHvIS? jISoptaHvIS? muD Duj 
vIpuvtaHvIS? rut 'etlh moQbara' vIqeq nIn 
vIHevtaHvIS 'ach motlh nab vIqonnIS 'ej vIlI'nIS. 
DaHjaj chal luHuvHa'moHpu'mo' 'engmey tagha' 
De'wI'wIj vIpoSmoHlaH. chaq SutmeywIj vISay'moHpu'DI' ..

murI' beq. jImejnIS.


>Qov:
> > mebpa'Daq maHqa'DI' ngajqu' ratlhbogh poH. 
> pInwI'vaD De' vIlI'nIS. De' vIlI'ta'DI' jIQongnIS.  qen rap HochHom jajmey.
> >
> > QumwI'vam vIghajmo' jIQuchqu'. 'oHmo' juppu'wI' Dotlhmey vISovlaH.
>
>--
>De'vID
>_______________________________________________
>Tlhingan-hol mailing list
>Tlhingan-hol at stodi.digitalkingdom.org
>http://stodi.digitalkingdom.org/mailman/listinfo/tlhingan-hol