[Tlhingan-hol] nuq bop bom: 'ay' cha'vatlh wa'maH wej: SID quv

[Robyn Stewart]

iPhoneDaq pojvam vIlaDchoHpu'mo' vIleghqa'be' 
De'wI'wIj vIlo'choHDI'. DaH vIlaDlaH.

At 20:13 '?????' 7/1/2012, you wrote:
>On Sat, Jun 16, 2012 at 11:57 AM, Qov <robyn at flyingstart.ca> wrote:
> > DorwI'DajvaD jatlhDI' vajar, "yaS wa'DIch vISuch vIneH," meH rI' 'avwI'.
> > Such vajar net tuch. QIjbe'.
>
>meHDaq neH SuchlaHbe''a'? QIjbe'mo' tuchbogh chut Sovbe' vajar.

DujvamDaq chutmey law''e' yajbe'bogh vajar 
tu'lu'. ghIbbe'law' yaS wa'DIch 'e' Sov neH vajar.

> > Qonglaw'taHmo' ngaH, SuchlaHbe' je.
>
>DaHjaj Do'be'.

Do'be' pagh nIStaH vay'. pagh Doy' neH ngaH. pIj 
vumtaH Dujvam jonwI'pu'. buDbe'bej.

> > ya chupDI' vajar jatlh 'avwI', "qaH, yama' DaSuchnISqu'be'chugh, DaSuchbe'
> > 'e' vIqeS." bItqu' 'avwI' 'e' tu' vajar. Dujvam muStaH vajar. yaSvetlh Segh
> > qaw. may'Duj ra'chugh vajar, yaS'e' rI'vIpbogh beq HoH. Qumqangbe'chugh
> > DujvaD ghaqbe'.
>
>(yaS Segh pIm vISIQchoH. tlhoy Qumchugh, Qu' nISlaH.)

tlhIngan DujDaq qublaw' Segh DaDelbogh, 'ach Human malja'meyDaq qubHa'.

> > tagha' jatlh vajar, "ropyaH vIghoS vIneH." ghochvetlh'e' laj 'avwI' 'ej
> > lujaH. lu'elDI' loSlI' reghtaHbogh SuvwI', boQlI'bogh maqochDaj je.
>
>(loSmeH pa' vISovbogh vIbuSHa'laHbe'. raS machDaq QonoSmey ngo' lutu'lu'...)

vIqontaHvIS loSmeH pa'vetlh vIqelbe'taH 'ach 
SoHmo' DaH vIleghlaH 'ej jIHaghchoH. QonoSmey 
ngo' laDtaHbogh tlhIngan SIDpu' vIqelDI' 
muHaghmoHtaH qech. Qugh ropyaHDaq baS choQ 
vIlegh. chaq baS quSmey tu'lu'. ghaytan loStaHvIS SuvwI'pu' nuHmey Say'moH.

> > rIQ
> > SuvwI' 'uS. SevmeyDaq 'uy' maqochDaj 'ach 'Iw nIjtaH.
>
>I wouldn't have used {nIj} with an object, but as there's no real
>guidance in its definition one way or the other, I can't object to it.

vIchoH. {'ach narghtaH 'Iw}. ghay is nice, but 
I'm still looking for a good complement of fluid 
mechanics words. Just no one tell Marc what I'm going to use them for. :-)

> > tugh SuvwI' rIQ tlhap
> > Qel.
> >
> > mejpu'DI' vajar DorwI', SID maqochvaD jatlh vajar, "ghaHvaD qaSpu' nuq?"
> >
> > Hem maqoch. jatlh, "batlhHa' ra'ta' ra'wI'ma'. quvHa''eghQo'mo' maqochwI',
> > ta'Qo'. ra'wI' qaD. Suvchuq. luj maqochwI' 'ach ghaHmo' Qu'vetlh quvHa'
> > ta'Qo' wey naQ. tlhIngan maH. batlhHa' vanglu'taHvIS quv chavbe'lu'. tagha'
> > quvHa' Qu' 'e' chID je ra'wI'ma'. mochDaj'e' qaDmeH mej."
>
>SuvDI' Qapmo' ra'wI', ra'meH 'umba'. Qu' quvHa''e' tagha' lajQo'mo', 'umchu'.

nachwIjDaq ghu' vIbejlaH.  rotlhba' tlhIngan 
negh. SIbI' lobqang mang 'e' pIH ra'wI'. QochDI' 
mang pe'vIl ra'qa' ra'wI' 'ej qaDDI' ralqu'choH. 
rIQqu'DI' mang pumpu' 'ej jegh. yIn neH. ravDaq 
reghtaHvIS lujwI', latlh mang ra' ra'wI'. Son 
bIvbe' negh 'ach ta'Qo'. Qubqu' ra'wI'. 
Qochbe'choH. jatlh, "ropyaHDaq loDvetlh yItlhap. 
ravvam yISay'moH. ta'vam quvHa' ta'be'nIS negh 
matlh. jIchegh." ra'wI' betleHDaq 'Iw tu'lu'taH cheghtaHvIS. taghpu' QuD.

> > "majQa'," jatlh vajar. "nuq 'oH Qu''e'?"
> >
> > jatlh mang, "QI' pegh vI'angQo'."
>
>quvHa'bogh QI' pegh 'angnIS vay''e'.

QI' pegh 'angbe'meH Dughbej mang Son. chenbe'meH 
rurbogh wo'Hommey, beqmey ghor 'e' nID wo' yo' 
chutmey, 'ach chutmey junlaH qImyal.

> > yaj vajar, 'ach qaSpu'DI' vagh lup jatlh
> > mang, "yuQDaq tlhIngan rewbe' juH wImeQmoHchu' net ra', 'oHDaq QongtaHvIS
> > tlhIngan. DaHarlaH'a'?" QeHchoH mang jatlhtaHvIS. jatlh, "Qu'vetlh quvHa'
> > ta'qangchugh latlh wey, qIvonDu'chaj Sopjaj Suy'!"
>
>HeghnIS 'eSSIm 'e' wuq 'Iv? 'ej qatlh wuq? qImyal meq vISovchugh
>ghaytan vIlajQo'.

Huj meq 'ej 'utbe'.  vI'angchu'be'pu' 'e' vIHar. 
QIjmeH Duyonbe' wanI'mey HIja' 'ej vItI'. chaq 
naDev vay' vIchel: <nov wIquchmeH> vInungmoHlaH. 
'ach mang QeHmoHbe'mo' nov quchmeH Qu', 
ja'be'law'. chaq <nov wIquchmeH neH tlhIngan wIHoH net ra'>.  vIqeltaH.

>«qIvon qIvon je -- nuq 'oH qIvon'e'?»

SoplI'chugh Suy' 'oy'qu'ba' 'e' vISov neH.

> > gharben cha' Dab wa'
> > tlhIngan neH jatlhpu' 'eSSIm. qatlh 'eSSIm chot neH qImyal? ghuHmoHlaH'a'
> > vajar? qaStaHvIS lup rav'eq bej vajar. tu' mang. jatlh, "ta' quvHa'
> > vInaDHa'taHmo' bepchugh DaqwI' quvDaj'e' nuDnIS jay'."
>
>mangvam naDbej ghutar.

chaq qIHchuqpu'mo' tlham luqaDqang neghvam.

> > lopno'qoqDajvaD jeS
> > SID, maqochDaj je 'e' tlhob vajar.
>
>quvwI'Hey boSlI'.

lopno' quv cherlI'.

> > chol Qugh Qel. "vajar HoD," jatlh, vajar lunuDba'taHvIS mInDu'Daj.
> > rIQbe'law'mo' vajar mIStaH Qugh. jatlh "qay' nuq?"
> >
> > jatlh vajar, "jIHvaD QoymoHwI'mey nob qaH'eng. DaboQta', qar'a'?"
> >
> > jatlh Qel, "HIja', wab chaDvay'mey SIghlu'pu'bogh vIngu' 'ej teSlIjDaq
> > rurqu'meH HotlhwI' ta lo'. DaparHa''a'?"
> >
> > jatlh vajar, "Dun bIH! 'ach DaHjaj ram SIStaHvIS vIngchoH. chaq Qapchu'be'.
> > Dujmey law' DachIjpu'. Hoch vIQoynISbogh vIQoytaH 'e' yI'ol.
>
>" Qav chIllu'pu'.

DaH >> vIchelpu'.

> > ----
> > SKI: vajar gets his hearing checked and 
> invites the doctor to his "birthday" party.
>
>'ay' veb'e' Dellaw'.

bIlugh. Do' QI' peghmey 'angbe'.

- Qov