[Tlhingan-hol] nuq bop bom: 'ay' wa'vatlh loSmaH wa'

[Qov]

'eSSIm had just realized that Mahoun's adherance to his story despite 
almost lethal pressure to say something else, was probably a sign 
that he was telling the truth. And that Essim had treated him dishonourably.

141

reH Suvrup

nuH 'uchbe'taHvIS jup'e' 'ej qoy'taHvIS HoH 'eSSIm 'e' nID. lI'laH 
QeH 'ach SeHnIS SuvwI'. SeH QeH 'e' chaw'pu'mo' 'eSSIm, tuH. SochHu' 
MahounDaq ghonDoqDaj yanpu'. SIbI' mejpu' varSajIy. boQDaj Sam 
'eSSIm. jatlh, "ghorgh chegh yelwIyyItngan Suypu' 'e' luHech?"

jatlh boQ, "naDev cheghbe'."

ghIjchu'pu'mo' not chegh. tlhIngan mu'qaD jatlh 'eSSIm. yajbe' boQ 
'ach QeH tlhIngan 'e' yaj. DoH 'ej jatlh "Sepvam tIr luje'laHbe'mo' 
Sep pIm luSuchlI'. tIr law' luje'qa' net jatlh."

latlh Sep'e'? vaj yuQvamDaq cheghpu''a'? jatlh "Sep yIngu'!"

jatlh boQ, "vISovbe'. naDev chaHbe'mo' vaj latlh SepDaq chaHnIStaH."

va. SaH pagh SaHbe'? chaq law' yuQmey 'e' yajchu'be'mo' boQ, pagh 
Sung Hol yajchu'be'mo' 'eSSIm yajHa'chuq. qachDajDaq chegh 'eSSIm. 
QumwI' HaSta chu' 'ej maHun Duj rI' 'e' nID. jang yaS HIp tuQbogh 
be''e'. SaH! jatlh 'eSSIm, "maHun vIjatlh vIneH."

yay'law' be'. yev. bIng bej ghIq jatlh, "jItlhIj. tlhIngan Hol 
vIjatlhbe'. DaH mughwI' vIchu'ta'mo' qayajlaH. yIja'qa'."

jatlhqa' 'eSSIm, "maHun vIjatlh vIneH."

taD HaSta. taDHa'choHDI' bItlaw' be'. law' mu'meyDaj 'ach mughDI' 
'eSSIm QumwI' wa' mu' neH jatlh, "DujatlhQo'."[122]

yaj 'eSSIm. batlhHa' vangpu'mo' 'eSSIm buSHa' Mahoun. jatlh "ghaHvaD 
QIn yIqon. yIqonchu'. potlh. Daqonrup'a'?"

"HIja'," jatlh be'.

ba'qu' 'eSSIm. HaSta bejqu'. jaq qab 'ej HoS ghogh jatlhtaHvIS. jatlh 
"reH Suvrup SuvwI''a'." qa'meH vIttlheghmo' QaghDaj tlhojpu' 'eSSIm 
'e' yajDI' Mahoun jatlhqangchoH 'e' tul. jabbI'ID van.

wuQbe'choHmoHmeH mI'choH 'eSSIm.
--
SKI: Essim asks one of Mahoun's bridge officers to relay a 
replacement proverb to him.
--
[122] Hmm, I guess the Klingon translator is programmed to omit all 
the weasel words, "I'm sorry ma'am but I regret that ..."