[Tlhingan-hol] nuq bop bom: 'ay' wa'vatlh wejmaH cha': <Qu'mey Del>

[Qov]

The crew was in a meeting with General qImyal. ghutar and Hota'ro' 
have just left for a voluntary search.
---
132

jatlh qImyal, "vajar HoD, yIloS. yIba'. bIghung'a'?" ghungbe' vajar. 
jatlh qImyal, "romuluSngan HIq DaneH'a'?" vajar merqu'mo' Hagh 
qImyal. jatlh "qay' nuq, HoD?"

jatlh vajar, "Hatqu'mo' chomer 'ach weHwI'vo' bojonba'ta'. chaq 
nuHIvbogh weHwI'pu' boHoHta'."

Saghqu'choH qImyal. jatlh, "ghobe'. ngevmeH HIjlI' tlhIngan HoD. 
jIjchu'mo' muHlu'be' 'ach numHa'chu'ba'." romuluSngan HIq jonpu' 
vajar 'ach reH tlhutlh beq. ngevchugh tlhIngan, romuluSngan wo' boQ. 
'eyqu'. HIvje' laj.

vajar, ghutar, Hota'ro' je Qu' De' Sov neH qImyal Sa', vaj Del vajar. 
Duj tI'ta'DI' ghIrel, Qo'noS lumej. DeghwI' luHutlhpu'mo' 'or vajar, 
'ungya je. Duj chIjmeH loQ ghutar ghojmoHpu' vajar. 'or 'e' Sap 
ghIrel 'ach po'Ha'mo' Son HoD. waw'Daq Hota'ro' parbogh HoD'e' qIH 
vajar. DeghwI' Qayqangmo', Hota'ro' laj. romuluSngan neHmaH HeH 
lughoS 'ej pa' romuluSngan logh Suchbogh Dujmey'e' jIHtaH. Dal Qu' 
'ach wo'vaD lI' 'ej batlh ta'pu' beq. ta'meychaj DeltaH HoD. 
boHchoHlaw'DI' Sa', lut van vajar. cheghmeH mIchvam Hop lulengtaHvIS 
jor HanDogh.

latlh Qu'mey De' Sov neH qImyal. yejquv toy'bogh Qu'mey buS. Qu'mey 
ngo' qel, HoD gheSpa' vajar. Qu'meyvetlh De' Sovchu'be' vajar, 'ach 
qaw 'e' nID.

"nuqDaq 'oH juHlIj'e'?" jatlh qImyal.

"*Dugh*Daq tu'lu'," jatlh vajar. qaStaHvIS wa'maH jav DIS tlharghDuj 
HoDpa' DabtaH vajar 'e' HarlaHbe' Sa'.

"nuqDaq Dab qorDu'lIj?" jatlh.

<bIQ'a'Daq> Qubmo' vajar DaHjaj tuHmoHbe' mu'meyvetlh. jatlh, 
"qorDu'wIj vISovbe'." yu'taH Sa'. nepbe' vajar 'ach pIHtaH Sa'.

"puqpu' Daghaj'a'?" jatlh qImyal Sa'. tempa' vajar, Qubmo', vay' nop 
'e' Sovba' Sa' 'ach qaDbe'. "bISawta''a'?" jatlh.[187]

jatlh vajar, "cha'logh. may'Daq Hegh cha'. bortaS vISuqta'."
---
SKI: General qImyal grills vajar on his missions and personal background.
---
[187] Conversation with a friend.
Me: "None of my characters have children. Some readers will find that 
unnatural."
Her: "Also they live on spaceships and aren't married."

Well yeah, there is that. People on spaceships have to either be bad 
parents or take their kids with them.