[Tlhingan-hol] nuq bop bom: 'ay' wa'vatlh wa'maH Hut: <ghelbe' HoD>

[Qov]

Here's today's installment in the continuing saga of what began back 
in September or so as Captain vajar's midlife crisis. Full story, so 
far, with corrections and extras at http://nuqbopbom.blogspot.com.

Captain vajar asked Hota'ro' to accompany him and the security escort 
to the computer room.
----
119

ghelbe' HoD

chol Hota'ro'. merchuqba' loD Hota'ro' je. Haw'ruplaw' 'ej 
HoHchuqruplaw' je. latlh may' pIH vajar. Qamqu' loD 'ej Hota'ro' 
mInDu' buS. jatlh "reH latlh qabDaq qul tuj law' Hoch tuj puS." 
'IltaH 'e' nID 'ach qa'meH vIttlhegh ja'chu'pu'pa' choH ghoghDaj. 
qa'meH vIttlhegh laj Hota'ro' 'e' qotlhbe' 'e' Harlaw'. Hota'ro' qab 
leghDI' vajar, lughba' loD. jatlh loD, "gharon 'oH pongwIj'e'. 
bIHeghpu' mujatlh."

qaStaHvIS vagh lup tamtaH Hota'ro'. tagha' jatlh "vIQaylu'. nuqDaq 
ghaH latlh'e'?" 'IQlaw' Hota'ro'.

jatlh loD, "cha' wen qaStaHvIS may' Heghpu'. mawIvlaHbe'pu' 'e' 
DaSov. mang jIH neH. vItIvbe'pu'. qaQorgh 'e' vInID."

jatlh Hota'ro', "choQorgh'a'? bItlhaQ 'e' DaHar'a'? Data'laHmo' 
qayajbe'chu'. De'wI' pa'Daq ghoDor." mu'meyDaj tuy'. nom yItchoH. He 
Sovba'mo' SammeH DorwI' poQbe'. lutlha' vajar DorwI'qoq je.

'IQlaw' loD. gho'DI' Hota'ro' chuS DaSmeyDaj. mev Hota'ro'. tlhe' 'ej 
loD mInDu' bej. qu'chu'. qul tIH bachchugh Hota'ro' mInDu', vajar 
merbe'. pay' HIv Hota'ro'. loD pup 'ej mup. nom vangmo' toghlaHbe' 
chaq cha'logh mup ghop 'ej wejlogh mup qam. Dej loD. 'oy'qu'ba' 'ach 
HoHbe'pu'. lojmIt poSmoH Hota'ro'. vajarvaD jatlh "naDev De'wI' pa' 
tu'lu'." 'el.

loDvaD jatlh vajar, "Daqotlhpu''a'?"

tlhuHlaHmeH loS loD ghIq jatlh, "ghobe'. Hegh vIqotlh. yIQorgh, qaH." 
yeptaHvIS QamchoH loD 'ej QIt mej.

pa'Daq Hota'ro' tlha' HoD. jotqa' DeghwI'. De'wI' chu' 'ej HIDjolev 
QIj. HoDvaD wa' QIn tu'lu' 'ach labbe'pu' HoD 'utlh. labwI' Sovbe' 
vajar. 'eSSIm ponglu'. QIn laDchoH.

***
vajar HoD:

Sotlaw'raj vIHevpu' 'ej tlhIngan ra'ghomquvvaD vIlI'qa'ta'. SoH 
beqlIj je lItoDpu' may'Duj net jatlh, vaj jabbI'IDvam DaHev 'e' 
vItul. bombogh nov SuD bop. ghoqwI' ghaHlaw'. lutDaj vI'olmeH novvam 
De' peghbe'bogh HIlab. 'ej tlhIngan Hol laHDaj yIchov. lInDabDaj 
bopbogh ngermey puS'e' qaja'qang. chaq Qob. 'ej qaghelnIS: nuq bop 
bom 'e' DaHar?

'eSSIm
tlhIngan wo' yIn QeD 'ampaS
gharben cha' Satlh jInmol
***
jang vajar. jabbI'ID labpu'DI' vajar, QI' leHmeH De'wI' naw' 'e' nID 
'ach naDevvo' DuHbe'. paw ghutar. tlhej vay'. batlh ghaHvaD jatlh 
ghutar, 'elpa'.
-----
SKI: Hota'ro' beats the $&!# out of their security escort, then vajar 
gets a text transmission from a scientist.
----
I know we haven't seen much in the way of text-only transmissions in 
the ST universe. I think 'eSSIm sent a simple text message not so 
much as a bandwidth concern as to alleviate security delays.  A 
civilian sending something into the military has an easier time 
getting heard if her message is easier to check for codes.  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120106/d74012cb/attachment.html>