[Tlhingan-hol] nuq bop bom: 'ay' wa'maH vagh: <butlh>
Qov
robyn at flyingstart.ca
Mon Jan 2 09:59:42 PST 2012
vajar has just learned that his engineer's deceit and incompetence
may have caused the problems on his ship.
---
115
butlh
chen vajar ro'Du' 'e' legh qaH'eng. jatlh, "vajar HoD, pIch
Daghajbe'. jonwI' jIH. jonwI' voqnISlaH ra'wI'. DaH Qu'vamvaD
nuvoqtaHmo' ra'wI'ma', mavumnIS. Ha'." vajar DevmeH volchaHDaj 'uchchoH. HoS.
mejtaHvIS jatlh vajar, "HoD, Soghpu', *Dugh* botI'lI'mo' tuquvmoH."
Hung yaHDaq vajar DortaHvIS qaH'eng luch chuS retlhDaq yev. jatlh,
"vajar HoD, Hov ghajbe'bogh ram rur pegh ghajbe'bogh jaj. DujrajDaq
SaHchugh vay' ... pegh, vIta'qang." QoylaHchu'be'mo' vajar cha'logh
jatlhnIS 'ej DIch ghajbe'taH vajar. ta'qang? peghmey tu'lu'chugh
chay' ta'laH vay'? <tI'qang?> QoyHa'law. jatlh vajar, "qaH'eng Sogh,
*Dugh* So'wI' DatI'laHchugh choQuchqu'moH."
jatlh qaH'eng, "naDev majatlhlaH, HoD. HIvoq." vay' pIHlaw'. 'a vumnIS ja'pu'.
jatlh vajar, "qavoq, Sogh. mInDu'lIjmo' vIleghlaH. Hoch luch Danaw'
net chaw'. not mev peghmey. may'Dujvam Dun Datoy'be'taHchugh, DaH
Dutoy'meH qaponlI'." Sagh mu'mey jatlhpu'bogh, 'ach jaS yajqangchugh
be', vangrup je vajar.
yajqu'law' qaH'eng 'ach pagh jatlh. yItqa' 'ej tugh Hung yaH lupaw.
jatlh "bIquv, vajar HoD. wa'maH Hutvatlh rep 'et tachDaq chaq
qaleghqa'." ghIq mej.
chaw' lunob 'avwI'pu'. 'oHDaq <DornISlu'> ghItlhlu'. "Dat
vIDornISlu''a'?" jatlh vajar.
"QongmeH pa', puchpa' je jojDaq 'utbe' DorwI' 'ach chaw'
Dacha'nIStaH," jatlh. Sagh. chaw'Daq QongmeH pa'Daj perlu'.
jatlh vajar, "DaH mI'meH pa' vIghoS vIneH." Dev 'avwI' Qup. lupawDI'
pa'Daq vajar mobmoH. qaStaHvIS rep nuv rurbogh ngogh'e' muptaH 'ej
puptaH vajar. Do qeq 'ej HoS qeq 'ej Qeqchu'meH qeq. ghIrel
'oHpu'chugh ngogh'e' wa'vatlhlogh HoH. chIch *Dugh* Sorghta''a'?
tlhIb'a'? Sa'vaD yap'a' *Dugh* quv? cha' beqpu' Qup neH'a'? wo'
toy'qangchu' vajar. tlhobpu'chugh Sa' SIbI' wo'vaD Qu' nIDqang. not
Hota'ro' yaj 'ach QuSbej'a'? ngogh qIp vajar 'ej qIpqa'. lugh Qel.
'oy' nIH DeS 'ach Qapchu'.
baS 'ay'mey 'ugh pepchoH vajar. SIla'Daq legh'eghlaH. DIrDaj HIpDaj
je nguv 'Iw 'e' tlhoj. nIH DeS Say'moHlaw'pu' Qel, Hom tI'taHvIS 'a
poSwI'Daq qabDaq rolDaq je 'ungya 'Iw tu'lu'taH. ghaytan Soj 'oH 'e'
luHarmo' latlhpu' buSHa'. *Dugh*Daq Ha'DIbaH ghoQ tu'lu'be'pu'mo'
jagh 'Iw, jup 'Iw ghap Hoch 'Iw'e' leghlaHbogh 'e' Sov. 'Iw SuD
leghlaH; SaHbej Hota'ro' 'Iw 'ej ghaytan SaH je ghutar 'Iw. butlh
nuD. butlh ghajbogh nuv'e' yIHo' net jatlh. DaH nuvpu''e' 'oSbogh
butlhvetlh vuv vajar. Qu' potlh noppu' 'e' tlhoj. baS 'ugh roQ 'ej
lojmIt poSmoH. SaH 'avwI'. jatlh vajar, "jabbI'ID potlh vIlabnIS.
mIDvaD vIlI' vIneH. DuH'a'?"
---
SKI: vajar works out some of his frustration on a punching bag--a
real one, not Hota'ro'-- then remembers that he has an important
message to send.
----
Klingons enjoy battle, working out, foodfights and sex. Klingons do
not engage in swimming or bathing. Either all Klingons are
perpetually filthy, as admittedly many on the shows appear to be, or
they have some other method of performing basic hygiene. Any suggestions?
More information about the Tlhingan-hol
mailing list