[Tlhingan-hol] nuq bop bom: 'ay' wa'maH loSmaH Soch: <Mossam Hung mIw>

[Qov]

Essim was threatening Mahoun's security team after the security chief 
asked her to remove her weapons.

147

Supbe' HungpIn. jatlh, "nuHmeylIj Dateyqangya'?"

choHbe'pu' ghoghDaj. buQ 'eSSIm 'e' buSHa'chu'. 'eSSIm tIn law' 
HungpIn tIn puS 'ej SuvwI''a' ghaH 'e' Honqu' 'eSSIm. yoH. bejtaH neH 
latlhpu'. Mahoun QanmeH nuHmey nge' luneH. HeQqangbe' 'eSSIm mejba'. 
nepbe'pu' 'eSSIm. yelwIyyItnganpu' HoHmeH 'utbe' nuHmey. jatlh 
'eSSIm, "lu'," 'ej qachDajDaq ghoS. raSDaq ghonDoq lan 'ej latlh 
nuHmey teq je. wa' taj pol 'e' qel 'ach yuDHa'meH tajvetlh roQ je. 
chegh 'ej HungpInvaD jatlh, "Hoch nuHmeywIj vIteqta'."

SIbI' jatlhbe' HungpIn, ghIq jatlh, "vIyol 'ey Dach 'awa'?" yajmeH 
buSnIS 'eSSIm 'ach mu'mey yajbejpu'. 'eSSImDaq nuHmey nej neH HungpIn.

'eSSIm maw HungpIn. jangDI', HungpIn no' tIchchu' 'ej ghaHvaD Qu' 
DuHHa' chup. DoHbe'chu' HungpIn. choHbe' tlhuHDaj. jatlhqa' 'eSSIm 
'e' loSpu'DI', mu'mey nIb jatlh "vIyol 'ey Dach 'awa'?" <vI'ol 'e' 
Dachaw''a'> moHqu'moH 'ach yaj 'eSSIm.

"jInep 'e' DaHar'a', petaQ?" jatlh 'eSSIm. ghaHvaD Hegh Qatlh Del 
'ach HungpInvaD Dallaw' qech.

tIchpu' 'e' buSHa'chu'taH HungpIn. jatlh "vIyol 'ey Dach 'awa'?" 
boHchoHbe'. jeQtaH. Hub'eghrup 'ej Hubrub je loDpu'. HungpIn mach 
butlh Ho'choH 'eSSIm.

jatlh 'eSSIm, "jIHeQchugh Qol'a' maHun?"

jatlh HungpIn, "HIja'," 'ach yevqu'mo' toj 'e' pIH 'eSSIm. be'pu' 
rotlh parHa'chugh Mahoun, chaq Mahoun porgh Qorghqu' be'vam. pay' 
ghalchoH 'eSSIm. HeQQo'meH 'eSSIm chIch Doch HungpIn 'e' pIHchoH. 
"yInej," jatlh.

yev HungpIn. ghaytan vay' pIH je. 'eSSIm porghDaq nejchoH. tlhIbHa'. 
ralbe' 'ach nejchu'. 'eSSIm HotvIpbe'[130]. Dat nejbe' 'ach pa' nuH 
So'ta'chugh 'eSSIm, nom naw'laHbe'. pagh jatlh HungpIn, Sutmey DIr je 
nuDtaHvIS. pIj rurbogh mIwmey SIQpu'mo' 'eSSIm, 'utbe' mu'mey. DaS 
mupDI' HungpIn teq 'eSSIm. rInDI' HungpIn, DoH. loDvaD jatlh 'ej 
QumwI'vaD jatlh loD. SIbI' nargh jol 'ej Mahoun moj. MahounvaD jatlh 
HungpIn 'ej yavDaq SIq 'ej qay. ghaHvaD Daq wIvta' HungpIn. 
ghoHchoHlaw'DI' Mahoun ghuH ghoghDaj 'ej lob Mahoun.
---
SKI: Mahoun's security chief ensures that Essim has been disarmed 
before allowing Mahoun to beam down.
---
[130] This scene was already planned, but I ended up writing it on an 
airplane immediately after having been subjected to the USA TSA 
"enhanced patdown." I was unimpressed. "I think I could have hidden 
an entire betleH from her," I later told my travelling companion. I 
once failed the sniffer test and they had to take me into another 
room to do a further search. "Look I can take off my jeans and 
t-shirt if you like." They were horrified.

I've given this rant before, haven't I?