[Tlhingan-hol] nuq bop bom: 'ay' wa'vatlh loSmaH wej: <qab 'ang> - Today featuring an English translation.

[Qov]

Mahoun's bridge officer had just hung up on Essim, but at least her 
week-long headache had subsided.

143

'oy' DachchoHghach tIvtaHvIS 'eSSIm rI' Mahoun. ghogh QumwI' neH 
lo'mo', Mahoun qab leghlaHbe' 'ach QeHba'. jatlh, "nuq DaneH? 
qamawpu'chugh jIngoy' jIH 'ej jIHvaD yIjatlh. bong vIta' 'ach jIHvaD 
nImuSnISmoH tIghmeylIj vaj yIruch! nItIchbe'pu' beqpu'wI'. tIghIjQo' 
'ej tIbuQQo'. junuQqa'be'chugh pInuQqa'be' maH. choyajlaH'a'?"

jatlh 'eSSIm, "nach qablIj Da'angvIptaHvIS chobuQ 'e' DangIl'a'?"

jatlh Mahoun, "HIpumQo'. tep choQDaq jIHtaHmo' naDev HaSta tu'lu'be'. 
qabuQbe'lI'. qaqunqu'lI'. qabwIj DaleghnIS beqpu'wI' Davuvpa' vaj 
vI'ang. pa'wIj vIghoSlI'." moDtaHvIS Mahoun tlhuH 'e' QoylaH 'eSSIm. 
HaStaDaq nargh Mahoun qab QeH. beq HubmeH qu'laHmo' pujwI' vuvchoH 
'eSSIm. pay' choH Mahoun qab. jatlh, "QunwI'! 'eSSIm! mInlIjvaD qaS nuq?"

mIS 'eSSIm. "nuq?" jatlh. legh'eghlaHmeH HaSta lISDI' Seng legh. 
Doqqu' ghaH poS mIn. qevpobDaq Huy bIngDaq je 'Iw 'IqnaH je' 
lutu'lu'. jorpu'law' mInDaj 'ach leghlaHchu'taH. wuQqu'pu'mo' qaSDI' 
tu'be'pu'. motlhbe'bej ghu'. 'eSSIm bItqu'moH 'ach novvaD 
chIDqangbe'mo' jatlh "vIlegh. qay'be'. ramqu'." Harlaw' Mahoun.

jatlh Mahoun, "<'Iw vo' mInDaj> jatlhDI' chIjwI'wI' lachbe'. 
DaghIjchu'pu'. nuHIv tlhIngan yo' qatlh 'e' DabuQ?" SaghtaH Mahoun 
'ach DaH jottaH.

jatlh 'eSSIm, "SabuQbe'pu'. qajatlhmeH vIrI'. tlhIngan Hajlaw' neH. "

navHom woH Mahoun. jatlh "QInlIj'e' vIlaDlI': <tugh nIghobtaH negh 
qu'>. jIH mughIj. jubuQbe'chugh vaj ... jughuHmoH'a'?" Saghqu'choH Mahoun.

Qub 'eSSIm. pay' ghu' tlhoj. jatlh "mughHa'! <reH Suvrup SuvwI''a'> 
jIjatlh. qa'meH vIttlhegh 'oH. qechvetlh Dayaj'a', bangwI'?" yajlaH 
Mahoun 'e' tulqu'.

qu'be'choH Mahoun. jatlh "HIja'. qa'meH vIttlheghmey vIyaj." Doy'law 
'ej 'IQlaw'. qa'meH vIttlhegh lajpu' 'e' noHlaHbe' 'eSSIm. jatlhqa' 
Mahoun, "'eSSIm, tlhIngan quvlIj vIHonbe', 'ach ... choghIjchu'pu'. 
DaH jInajtaHvIS muDechqa'taH tlhIngan mIgh." DaH pujtaH 'e' 
mIylaw'mo' mIS 'eSSIm. moghmoH tIgh nov! jatlh Mahoun, "bI'IH. 
choSeymoH 'ej chopIlmoH 'ach choHoHta' 'e' DanID jay'. chaq HoHchuq 
tlhInganpu' 'e' lulIjlaH 'ach nughwIjvaD yapbe' wa' vIttlhegh nap. 
mapImchu'. reH tIghmeylIj'e' vIpabnISchugh 'ej vIyajnISchugh ghu' 
vItIvlaHbe'. lugh yaSpu'wI'. tlhoy bIQob. matay'be'nIS. maHvaD qItbe' 
parma--" qagh'egh Mahoun 'ej choHchu' ghoghDaj. "chach wISIQtaH," 
jatlh 'ej jabbI'ID ghang.
---
SKI: Mahoun accepts Essim's replacement proverb, but tells her they 
can't have a relationship because she's too dangerous.
----
I've been possessed with a desire to translate this into English 
today, so I will. Feel free to comment on my translation skills as 
well as my Klingon ones.

While Essim was enjoying the cessation of pain, Mahoun called her. As 
he was using only a voice communicator she couldn't see his face, but 
he was clearly angry. He said, "What do you want? If I have offended 
you, I alone am responsible and you speak to me. It was 
unintentional, but if your customs call on you to hate me, then go 
ahead! My crewmembers haven't insulted you. Don't scare and threaten 
them. If you don't bother us again, we won't bother you again. Do you 
understand me?"

Essim said, "You dare threaten me when you're afraid to show your face?"

Mahoun said, "Don't accuse me. I'm on the cargo deck so there's no 
visual display here. I'm not threatening you. I'm scolding you. If 
you have to see my face before you will respect my crew then I'll 
show it to you. I'm on my way to my room."

Essim could hear Mahoun breathe as he hurried. His angry face 
appeared on the visual display. Essim granted the weakling some 
respect because he could be fierce to defend his crew. Suddenly 
Mahoun's face changed. He said, "My god! Essim! What's with your eye?"

'eSSIm was confused. She said, "What?" When she adjusted the 
viewscreen to see herself she saw the problem. Her left eye was 
bright red. On her cheek and below her eyebrow there was blood and 
mucus. Her eye appeared to have exploded, but she could see 
perfectly. As she'd had such a headache when it happened she hadn't 
noticed. It was most unusual. It freaked Essim out, but as she wasn't 
going to admit that to an alien she said, "I see it. It's not a 
problem. It's nothing." Mahoun seemed to believe her.

Mahoun said, "When my navigator said, 'Her eye propelled blood' she 
wasn't exaggerating. You terrified her. Why did you threaten an 
attack on us by the Klingon fleet?" Mahoun was serious but now calm.

Essim said, "I didn't threaten you guys. I called to speak to you. I 
think she's just afraid of Klingons."

Mahoun picked up a scrap of paper. He said, "I will read your own 
message: <Soon fierce soldiers will do battle with you>. It scares 
*me*.  If you're not threatening us then ... are you warning us?" 
Mahoun became very serious.

Essim though. Suddenly she realized the situation. She said, 
"Mistranslation! I said 'A great warrior is always ready to fight.' 
It's a replacement proverb. Do you understand that concept, my love?" 
She so hoped Mahoun could understand.

Mahoun's ferocity waned. He said, "Yes. I understand the replacement 
proverb." He seemed tired and sad. Essim couldn't judge if he had 
accepted the replacement proverb. Mahoun went on, "Essim, I don't 
doubt your Klingon honour, but ... you scared the piss out of me. Now 
when I dream I'm again surrounded by evil Klingons." Now that he 
seemed to brag about his weakness Essim was confused. Alien ways are 
frustrating! Mahoun said, "You're beautiful. You excite me and 
inspire me but you tried to fucking kill me. Maybe Klingons kill each 
other and forget about it, but in my society a simple proverb isn't 
enough. We are utterly different. I can't enjoy a situation where I 
always have to understand and abide by your customs. My officers are 
right. You are too dangerous. We can't be together. It's not possible 
for us to lov-"  Mahoun interrupted himself and his voice changed 
completely. "We're in an emergency," he said, and cut off the transmission.