[Tlhingan-hol] qep'a'Daq ... nurI' Quvar

[Qov]

megh wItIvpu'. DawI'pu' laH legh cha' Mark. ghaHvaD jIjatlhtaHvIS 
'Ijqu'law'mo' yajlaHbe' 'e' vIlIj.

DaH nurI'laHmeH Quvar De'wI'mey cherlI' nuv 'op.

nurI' Quvar!  wIleghlaH. HaSta tIn wIlo'mo' wIleghlaHchu'. ghaH 
'emDaq tlhIngan meH tu'lu'. juHDajDaq tu'lu'. tugh nuleghlaH. 
qep'a'meymo' qepHommeymo' je 'op ghov. lIH'egh latlhpu'.

jatlh Quvar, "DaH jatlh 'Iv?"

jatlhtaHmo' paghoyma', "pagh," majatlh. mISchoH Quvar. mISmoH je pa' 
'o' SIla'.

"Sulaw'!" jatlh.

<taHjaj wo'>, <tlhIngan maH> je wIbom.

muyajlaHbe' Quvar. qep'a'Daq muyajlaH Hoch, 'ach QuvarvaD Hujlaw' 
QIchwIj. mumISmoHqu'.

<Qoy qeylIS puqloD> bom Lieven.

DaHjaj po HaSta much Qujmaj wIQIj.

qaDHom nID Quvar.

qaStaHvIS rep majawtaH ghIq jatlh Quvar <rIn jabbI'ID>.

wanI' wItIvqu'. pIj qaSnIS rurbogh wanI'mey.

- Qov