[Tlhingan-hol] Klingonists in Japan

[Rohan Fenwick - QeS 'utlh]

ghItlhpu' chaDQI', jatlh:
> Hi,
> chaDQI' 'oH pongwIj'e', nIponngan jIH.

qavan! naDev SoHmo' jIbelqu'. nuvpu' DISovbe'pu'bogh DIqIHDI', reH maQuch.

taH:
> Do'Ha', nIponDaq puSqu' tlhIngan Hol ghojbogh nIponnganpu''e'.

jatlhchu' SuStel: Dat puSqu' tlhIngan Hol ghojwI'pu'. :)

> vaj nIponnganvaD DaqwIj vIcherta'.
> 'ach ghurbe'taH tlhIngan Hol ghojwI'.  :-(

reH QIt ghurtaH roghvaHmaj... Do'Ha'bej. majatlhlaHtaH neH, 'ej numuvtaH jatlhwI'pu' chu' 'e' wItullaH neH.

> nIponDaq, jav ghap Soch tlhIngan Hol jatlhwI' tu'lu' 'e' vISov.
> chaq chorgh. maDo'chugh Hut...

law'bej! 'aSralya' vIDab jIH. naDev luDabchugh latlh tlhIngan Hol ghojwI'pu', 
vISovbe'qu'. tlhIngan Hol jatlhlaHbogh 'aSralya'ngan'e', jImob 'e' vIQub. 
(jImuj net tobchugh, jIbelqu'.)

> Mailing List-vam vIlaDtaH, 'ach DIvI' Hol vIjatlhlaHchu'be'mo' qepraj vIjeSbe'.

qep jeSwI'pu'vaD, not qay' ghu'vetlh. :) tlhIngan Hol'e' wItIvmeH maghomchuq. qep'a'Daq, Saarbrücken qepHomDaq je Qumlu'meH tlhIngan Hol neH lo'laHchugh vay', qay'be'qu'. reH mughlaHwI' lutu'lu'! 'opleS pIqIH 'e' vItul. Dojba' tlhIngan Hol laHlIj. qep DajeSlaHchu' 'e' vIHar.

tetlhDaq yIjeStaH! bIlIH'eghta'mo' jIbel.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120808/45574f4e/attachment.html>