[Tlhingan-hol] nuq bop bom: 'ay' wa'vatlh javmaH Soch: jorbogh romuluSngan nach
Robyn Stewart
robyn at flyingstart.ca
Mon Apr 23 13:58:03 PDT 2012
> On Fri, Apr 20, 2012 at 6:16 PM, Qov <robyn at flyingstart.ca> wrote:
>> jatlh Hota'ro', "may'vetlh vIpar. jorbogh romuluSngan nach yIcha'."
>
> jotlaw' ghoghDaj.
bIlugh. motlh bIj qaDnISDI' jotlaH
>> DaqwI'pu'vaD motlh DataH.
>
> pab Dalo'bogh vIyajbe'. DIp gheS neHlaw' <motlh>.
Dachlaw' DIp. chaq <bejwI'pu' motlh DataH.> pupbe'. vIqellI'.
>> Sa' chovchu' vajar. Dat DaqtaH. jabbI'IDmey
>> jIHtaH. *Dugh* Dotlh So'meH neppu'. vajar pumta'.
>
> mIgh qImyal 'e' luDaj ngoDmeyvam. tlhoy pIHlaw' neH. 'ach...
>
>> Hota'ro' bechqu'moHtaHvIS
>> Hagh. qarchugh Hota'ro' De', batlhHa' HoDDaj muHta'. quvHa'bej Sa'. mIgh.
>
> ponchu'. mIgh ghaH.
tlhIngan ghaH vIqawnISmo' vIqontaHvIS reH HeSmeyHeyDaj vIchovnIStaH.
>> quvHa'ghach'a'vam yajlaHbe'.
>>
>> jatlh vajar, "jorbogh romuluSngan nach vIleghbe'pu'. yISam."
>
> ( http://www.youtube.com/watch?v=HY-03vYYAjA )
yaHwIjDaq jIHtaHmo' (QoQ nIn lISmeH mIwmey vIQullI') wej vIbejlaHmo' mumaw'moH! jorbogh romuSngan nach 'oH 'e' vISIvqu'!
>> nejchoHDI' Hota'ro' teSDajDaq tlhup vajar. jatlh "Hota'ro' Sogh, bIyoHqu'."
>> jorbogh romuluSngan nach Sam Hota'ro'. chobDaq QamtaHvIS romuluSngan,
>> nachDaj 'o' qIp beH tIH. nach Hom 'elpu'DI' tIH nach naQ jormoH HoS.
>> tlhoy'meyDaq, rav'eqDaq je ghomHa''egh QoghIj 'Iw je. Hagh beq. vabDot Hagh
>> Hota'ro'.
>
> (I am intentionally refusing to solidify my understanding of {vabDot}.
> Is it an adverbial like {tagha'}? Then {vabDot Hagh Hota'ro'} would be
> right. Is it a noun like {Hoch}? Then it should be {Hagh vabDot
> Hota'ro'}. I need more than one example before I can be comfortable
> with this use.)
DuHmeyvetlh vIqelbe'pu'.
>> QInDaj javDIch laDchoH vajar. labpu' 'eSSIm.
>
> toH, tay'choH Hoch.
>
>> ***
>> vajar HoD,
>>
>> lI'qu' De' Dalabpu'bogh. ghoqwI' ghaHbe' Mahoun'e' 'e' vI'ol.
>>
>> gharben cha'Daq 'oHtaHvIS may'Duj,
>
> Dach {-'e'}. 'eSSIm HolHom '
motlh Qaghvetlh vIta'be' jIH.
>> tuSuchchugh SoH beqlIj je tuquvqu'moH.
>> yuQvamDaq meb puS vIlegh. lutmeyraj vIQoy vIneH.
>
> QaQ lutmey. DaH wa' vItIvlI'.
quvchuqmoH ja'wI' 'IjwI' je. (Suvchuq maS De'wI'HomwIj lughmoHwI'!)
>> Satlh jInmol Quv luSov
>> *veS* jolwI'pu'.
>>
>> 'eSSIm
>> tlhIngan wo' yIn QeD 'ampaS
>> gharben cha' Satlh jInmol
>> ***
>>
>> ghorDaq jIHlaHbe'taH *veS* Hung.
>
> val.
mumaw'moH peghnIStaHghachchaj. narghnISbej.
>> jatlh vajar, "Ha'. tej wISuch." HoS nuHmey
>> ratlhmoHmeH 'ej betleHmeychaj tlhapmeH pa'meychajDaq Dor 'avwI' ghIq jolpa'
>> lughoS. chuS chob'a', SaHmo' DaSmey tuQtaHbogh tlhIngan law'.
>
> lutvam vIlaDtaHvIS roD Quch yabwIj mIn. DaH yabwIj teS Daqotlhmo' jIbelqu'.
DaH QoylaHmo' vajar wabmey vIDel 'e' vItIvlaH. Do'Ha' wabmey DelmeH vaDbe' tlhIngan Hol.
>> jolpa'
>> lucholqu'DI' chob'a' bottaH loStaHvIS QaS. chob'a' botlhDaq yIttaH De'wI'Hom
>> qengbogh bu'.
>
> (patlh tetlhDaq <bu'> vInuD.)
yaS ghaHbe'. loQ QaS vu'.
>> jatlh, "nIHDaq peQam wamwI'pu'. poSDaq peQam veng SuchwI'pu'.
>> ghoch le' boghajchugh HIja'."
>
> le'ba' Satlh jInmol.
bIyajlI' 'e' Da'angmeH rurbogh mu'meyvetlh vIthlo'taH.
>> chob'a' nIHDaq law' betleHmey.
>
> wammeH nuH jum 'oH betleH'e'. chonnaQ vIpIH.
tlhIngan wammeH mIwmey vISovqu'be'. ghaytan bIlugh. chaq chon nuHmey motlh Hutlhmo' lo'.
-Qov
More information about the Tlhingan-hol
mailing list