[Tlhingan-hol] nuq bop bom: 'ay' wa'vatlh javmaH Soch: jorbogh romuluSngan nach

[Qov]

vajar, ghutar and Hota'ro' have just watched a bridge recording in 
which Hota'ro''s self discipline breaks under a brutal "punishment" 
ordered by General qImyal.
----
167: jorbogh romuluSngan nach

jatlh Hota'ro', "may'vetlh vIpar. jorbogh romuluSngan nach yIcha'."

DaqwI'pu'vaD motlh DataH. Sa' chovchu' vajar. Dat DaqtaH. jabbI'IDmey 
jIHtaH. *Dugh* Dotlh So'meH neppu'. vajar pumta'. Hota'ro' 
bechqu'moHtaHvIS Hagh. qarchugh Hota'ro' De', batlhHa' HoDDaj muHta'. 
quvHa'bej Sa'. mIgh. quvHa'ghach'a'vam yajlaHbe'.

jatlh vajar, "jorbogh romuluSngan nach vIleghbe'pu'. yISam."

nejchoHDI' Hota'ro' teSDajDaq tlhup vajar. jatlh "Hota'ro' Sogh, 
bIyoHqu'." jorbogh romuluSngan nach Sam Hota'ro'. chobDaq QamtaHvIS 
romuluSngan, nachDaj 'o' qIp beH tIH. nach Hom 'elpu'DI' tIH nach naQ 
jormoH HoS. tlhoy'meyDaq, rav'eqDaq je ghomHa''egh QoghIj 'Iw je. 
Hagh beq. vabDot Hagh Hota'ro'.

QInDaj javDIch laDchoH vajar. labpu' 'eSSIm.

***
vajar HoD,

lI'qu' De' Dalabpu'bogh. ghoqwI' ghaHbe' Mahoun'e' 'e' vI'ol.

gharben cha'Daq 'oHtaHvIS may'Duj, tuSuchchugh SoH beqlIj je 
tuquvqu'moH. yuQvamDaq meb puS vIlegh. lutmeyraj vIQoy vIneH. Satlh 
jInmol Quv luSov *veS* jolwI'pu'.

'eSSIm
tlhIngan wo' yIn QeD 'ampaS
gharben cha' Satlh jInmol
***

ghorDaq jIHlaHbe'taH *veS* Hung. jatlh vajar, "Ha'. tej wISuch." HoS 
nuHmey ratlhmoHmeH 'ej betleHmeychaj tlhapmeH pa'meychajDaq Dor 
'avwI' ghIq jolpa' lughoS. chuS chob'a', SaHmo' DaSmey tuQtaHbogh 
tlhIngan law'. jolpa' lucholqu'DI' chob'a' bottaH loStaHvIS QaS. 
chob'a' botlhDaq yIttaH De'wI'Hom qengbogh bu'. jatlh, "nIHDaq peQam 
wamwI'pu'. poSDaq peQam veng SuchwI'pu'. ghoch le' boghajchugh 
HIja'." chob'a' nIHDaq law' betleHmey.
----
SKI: vajar's next message gives them a chance to get off this ship for a while.