[Tlhingan-hol] ghojwI''a' mojbogh nIHwI'

[De'vID jonpIn]

wa' ram, lalDan bommey bomtaHvIS {Shichiri Kojun}, 'elpu' yan jej
qengbogh nIHwI''e'. Huch, yInDaj ghap poQ.

jatlh {Shichiri}: <HISujQo'! ngaSwI'vetlhDaq Huch tu'lu'.> ghIq bomqa'taH.

qaSpu'DI' poH ngaj, bom 'e' mev 'ej jatlh: <Hoch yItlhapQo'! wa'leS
qav'ap vIDIlmeH 'op vIghajnIS.>

Huch HochHom yIr nIHwI' 'ej mejchoH. <nob DaHevDI' nobwI' yItlho',>
jatlh {Shichiri}. tlho' nIHwI' 'ej nargh.

qaSpu'DI' jajmey puS, nIHwI' jonlu'. {Shichiri} Hej 'e' DIS.  latlh
HeSmey DIS je.

HeS ghaH 'e' maq {Shichiri} net poQDI', jatlh: <jIH'e' nIHwI' ghaHbe'.
ghaHvaD Huch vInobta' 'ej Huchmo' mutlho'chu'.>

bIghHa'vo' nIHwI' weghHa'lu'DI', {Shichiri} Samta' 'ej ghojwI''a'Daj mojta'.

--
De'vID