[Tlhingan-hol] nuq bop bom: 'ay' wejmaH wej

[Qov]

Recap: ghutar reported more gravity fluctuations, but this time the 
bridge crew is concentrating on a thruster problem and not messing with him.

33

"loQ jIQompu'," jatlh ghutar. "vISIQrupqa'."

vIj ghu'mo', qeqmeH Qu'vetlh buSHa'choH HoD, 'ach chuyDaH lubuSmo' 
yaSpu''e' voqbogh HoD, Duj naQ qImnIS HoD. wa' jagh buSchugh Hoch, 
HoHlaH latlh.

"'ungya," jatlh HoD. "munbe'meH tlham, Duj naQvaD tlham wIchu'Ha' 'e' vIqel."

"wItoblaH" jatlh yaS wa'DIch. "nISbe'bej,"

qaStaHvIS lup puS loS. ghutar ghuHmoH. ghIq jatlh "Hoch mIchvaD tlham 
vIchu'Ha'ta'". DachtaHvIS tlham, roD tISchoHchu' Hoch. 'ach tlham 
chu'Ha'DI' HoD, 'ughqu'choH vajar 'ej nIHDaq tlhe'law'pu' meH naQ. 
DeSDaj rIQDaq pumbe'meH, DeS pepmoH. chuyDaHmo' chungmo' Duj, jaS 
'ugh Hoch 'ej chen tlhamHey Huj.

Duj 'ItlhDaq qub tlham Hutlhbogh ghu'. qaStaHvIS vagh rep not SIQpu' 
vajar. 'a cha'maH ben motlh. tlham, muD je HutlhtaHvIS DujDaq Suvpu' 
vajar, logh Sut tuQtaHvIS. SuvwI' yoH Hegh qaw vajar. 'uS chevpu' 
jagh betleH. muD polmeH Sut 'uS baghchu'ta'. Qap, 'ach reghchu' 
SuvwI' 'uS. "QapHa'law' SutwIj. jIbIrqu'," jatlhpu', HeghtaHvIS. 'a 
QaptaH logh Sut. 'Iw Hutlhmo' SuvwI' bIr. Heghpa' tlhoS Sut tebpu' 'Iw.[6]

Qum ghutar. "SaSchoH tlham. DaH jiH bIngDaq lo' law' lojmIt tu'lu'."

"'e' wISov," jatlh HoD. "DaH yItamchoH. pIpoQDI' qarI'."

meHDaq ghumchoH SeHlawmey. "HaStaDaq!" ra' HoD. mIch loSvaD ghumchoH 
Hoch: 'uybe'choHpu' muD! yapbe' yInSIp! bIrqu'choH Hat! SuQ SIp 
tu'lu'! lujpu' lo' law' lojmIt Surchem! nIj HoS 'och wa'DIch! taHHa' 
HoS 'och cha'DIch! bIQ pat wem! baHbeHbe' 'et nISwI' wa'! 
ngaDHa'choHpu' tep! luj pu' nIH begh!
---
SKI: With the gravity off, acceleration caused by attempts to fix the 
thrusters create an apparent gravity that sets off alarms and slams 
the ship's occupants around.
---
[6] This chapter needed some blood. I figure one spacesuitful is enough.