[Tlhingan-hol] nuq bop bom: 'ay' wejmaH wa'
Qov
robyn at flyingstart.ca
Wed Sep 21 21:24:36 PDT 2011
I'm off to work for a few days, so there may be a gap in updates for
the next few days. A sign I'm spending to much time on this story: I
almost called my co-worker ghutar. His name does begin with a soft
G-sound, though.
If you're following the story, it will make sense that I remind you
that we left young ghutar in a spacesuit, in the bathroom, in the dark.
31
QumwI'vo' jachtaHvIS Hung yaS, loStaH HoD. ghaytan Sut Soy'mo' mIv
HurghmoHta' ghutar. tamchoHDI'. "yIja'!" jatlh HoD.
jang ghutar. jatlh "HurghchoHpu' mIch naQ. qIjchu'. ghopwIj'e'
vIleghlaHbe' jay'. Hoqra'vam QIv 'oghpu' 'Iv jay'? vIwovmoHlaHbe'."
'oghba' logh Sut tuQbe'qu'pu'bogh tej 'e' Sovqu' vajar.[1] "Do'Ha'
poghmeyvetlh DatuQtaHvIS DalISlaHbe' qa'ja'pu'," jatlh.
meHvaD Qum HoD. jatlh "ghutar Datoj'a'? HurghchoHpu' mIch."
jang Hota'ro' ghogh. loQ Haghlaw'. "'ul wISeHlaHbe'. mIch loSDaq
'elpu' HoSDo' SovlaHbe'bogh. 'ul SIHlaw'!" meHvo' Hagh je 'ungya 'e'
QoylaH HoD. lojmIt wa' poSmoH 'ej meH 'el. yaS wa'DIch yaH retlhDaq
QamtaH Hota'ro'. yaS wa'DIchvaD jatlh, "DaH tlham yIchu'Ha'!"
"lujlI' tlham!" jatlh yaS wa'DIch, mIch loSvaD chIch tlham
chu'Ha'taHvIS. vajar QumwI'vo' jachqa'DI' ghutar Haghqu' Hota'ro'.
DoghlaHmo' Hota'ro' 'ej jIjtaHmo' 'ungya Hota'ro' je bel HoD.
vulqangan Da neHbe' 'ej Sol neHbe'. vajar QumwI'vo' jachtaH ghutar
'ej mu'qaD bach. 'a Haghbe' HoD. Sagh. tamchoHDI' ghutar latlhpu'vaD
toch cha' HoD, ghIq QumwI' chu' 'ej jatlhchoH, "ghutar. choQoylaHtaH'a'?"
SIbI' jang ne', jatlh "HIja' HoD. 'a loj tlham 'ej pagh vIleghlaH."
"ghu'vetlh wItI'lI'. rav DaSamlaHchugh 'oHDaq yIba'." jatlh HoD.
"lu' HoD!" QumwI' SoQmoHpu'DI' HoD Haghqa'choH Hota'ro'. SeHlaw chu'
HoD 'ej mIch loSvaD wovmoHwI'mey, tlham je chu'qa'. "wovqa' mIch ...
Qapqa' tlham ... DaH lo' law' lojmIt vInaw'meH puchpa' tlhoy'
vIlaghchoH." jatlh ghutar.
ghutar 'IjtaHvIS HoD 'ungyavaD tlhuplaw' Hota'ro'. mu'mey QoylaHbe'
'ach jangDI' 'ungya' QoylaH. "ghobe'. Quchlaw'."
'oghlu'DI' lo' law' lojmIt, Dach puchpa' 'ej ngeDqu' naw'meH Qu'. DaH
puchpa' tlhoy'meymo' QIp Qu'. not leHwI'pu' SaH oghwI'pu'. laghtaHvIS
tlhuHqu'mo' ghutar poStaH chaDvay'. pay' voQchoHlaw'.
--
SKI: The bridge crew pranks ghutar.
---
[1] Gee, there's kind of a theme here regarding maintenance
engineering, isn't there? Could Qov have some issues to work out?
Nah, it's just that I'm sure Klingons have engineering just as
inconvenient as we do.
More information about the Tlhingan-hol
mailing list