[Tlhingan-hol] nuq bop bom: 'ay' wejmaH
Qov
robyn at flyingstart.ca
Wed Sep 21 07:08:32 PDT 2011
Last 'ay', ghutar said he was prepared to carry
out a maintenance task wearing 'space clothing.'
30
jangbe' HoD. mIch cha'Daq 'aH polmeH pa' lu'el
'ej logh Sut, tlhegh, Hoqra', HoS choHwI' chu' je yIr ghutar 'e' raD HoD.
ghu' QIj HoD. jatlh Qob mIch loS 'e' wIDa. vaj
HIchDal'a' chen Duj'e'. mIch wej Da'elpu'DI'
SoQchoHchu' lojmIt cha' 'e' yIloS, ghIq lojmIt
wej yIpoSmoH 'ej mIch loS yI'el. lujlI'bogh HoS
choHwI' Dangu'meH 'ut Hoqra'. logh Sut tuQtaHvIS
vay', poghmo' Hoqra' ruQlaHbe' vaj DaH SoHvaD
Hoqra' vIlISta'. Surchem HoS cha'beH.[8]
yIlISQo'. puchpa' Dalaghpu'DI' Surchem yIHotlh
neH. choHwI' qab Dangu'pu'DI' chu'wI' yItam[9].
HoS choHwI' yIchaghQo'. bIyaj'a'?
jIyaj, HoD.
lojmIt cha' poSmoH HoD 'ej luvegh. SoQ'eghqa'DI'
ra'choH HoD 'ej vanglI' ghutar. luch roQ Hung
yaS. logh Sut qoghDaq tlhegh 'er'In bagh.
baghchu'ta' 'e' 'ol HoD. mIch Da'elpu'DI'
choQDaq megh'an yIbagh. Duj HurDaq bIvumchugh reH
yIbagh'egh. Duj qoDDaq QaQ je. mIv DatuQtaHvIS
bIleghlaHchu'be'. lojmIt DaSameH lI' tlhegh. DaH Sut yItuQmoH.[5]
lob ghutar. vaHDaj teq 'ej logh Sut qoghDaq
tuQmoH je. mIv tuQmoHmeH 'ej SoQchu'meH boQ HoD.
yInSIp QumwI' je tob, ghIq ghutar poghDaq Hoqra' lan.
DaleghlaH'a'?
QumwI'vo', jatlh HIja' HoD
maj. lojmIt tlhopDaq yIQam. mIchvam vImejpu'DI'
yIvegh 'ej ghu' yInuD. yIHoj 'ej HIQumtaHqu'. Hoch yIDel. vulqangan yIDa.
lu' HoD!
chobDaq DoH HoD. mIch wej mejtaHvIS ghutar van.
Qapla' jatlh. SoQchoHDI' lojmIt cha' ghutar HoD
je chev. mIch cha'Daq vajar tu'lu' 'ej mIch
wejDaq ghutar tu'lu'. Qobchugh mIch loS, muD wegh mIwvam.
lojmIt loS vIpoSmoH, jatlh ghutar. vIveghlI'
... SoQqa'lI' ...SoQchu' ... puchpa' vIQu'vatlh! HurghchoHchu' jay'!
----
SKI: The captain helps ghutar into his space
clothes and helmet and then he enters sector four.
-----
[5] I suspect actual safety procedures are kinda
un-Klingon, so maybe this is more of a hazing
ritual than something Klingons do on the job.
[8] Damnit, now I think of Lawrence and wej
muma'beH pa'wIj every time I use -beH.
[9] I'm not sure whether making someone put on a
spacesuit to change a light bulb is better or
worse than sending them off for left-handed
screwdrivers and buckets of propwash, but I feel
kind of sorry for ghutar. I guess it's better
than sitting around the bridge talking to Ms. Goody-Two-Shoes on helm.
[10] Some of the footnotes are missing in one or
both directions. Don't worry about it. It's a
testament to the amount of editing this has had.
----
Full story, with corrections since this e-mail
was sent, at http://nuqbopbom.blogspot.com
More information about the Tlhingan-hol
mailing list