[Tlhingan-hol] nuq bop bom: 'ay' vaghmaH Soch: <puj HIch>
Qov
robyn at flyingstart.ca
Tue Oct 18 06:53:43 PDT 2011
Mahoun has acquired an interesting energy weapon from the loadmaster.
57
puj HIch
yIttaHvIS meH rI' Mahoun. "tlhIngan Duy yIrI'" jatlh. "maHvaD tIr
je'meH chaw' ghaj. junobrup'a' yIghel." yIttaH. Qub. qay'qu'be'
'eSSIm ghu'. beqwI''e', beqwI' be'nal ghap vIngaghchugh vaj qay'. 'a
nov ghaH 'eSSIm'e'. parmaqna' 'oHbe'. maQuj neH. joSlaw' beq 'a
muqIchbe'. HoD jIH. DIbmey vIbajta'. 'ej ghaytan ngongmeH wa'logh
mulaj tlhIngan 'ej not qaSqa'.
puj HIchqoq nuDchoH.[17] 'oHDaq cha' lISwI' lujomlu': HoS poH je
lISlaH. wej tup, HoS mach je wIv. ghaH poS chap Qeq. chu'. qaS pagh.
wejlogh chu'wI' 'uy. qaStaH pagh. Hujlu'law'pu'be'. yopwaH qogh Daq
lan. 'ugh HIch. 'ugh'a'? ngaSwI' SumDaq <wa'maH cheb> ghItlhlu'. 'ugh
'ach roD peplaHbej Mahoun. pep 'e' nID. 'ughqu'law'. ravvo'
peplaHbe'. puj HIch nuDqa'. Dajqu'. qel'eghDI' pujbe'. pIvqu'law'.
'ach 'ughchoHlaw'pu' Dochmey.
rI' meH. jabbI'ID QoymeH QumwI' 'ugh lel HoD. "DaH Dujatlh neH
tlhIngan Duy" jatlh QumpIn.
"ghorar," jatlh HoD. wabHom lIng QumwI'. "'eSSIm Duy?" jatlh.
"jIH. SoHvaD chaw' vIghaj." QumwI'vo' jatlh 'eSSIm ghogh. QoyDI'
bomchoH Mahoun 'Iw. chaq qaSqa'.
jatlh Mahoun "chay' chonob DaneH?" [19]
jatlh 'eSSIm "naDev yIjol. Quv rap bolo'pu' SoH QeDpInlI' je."
"lu'." jatlh HoD. "qaSpu'DI' wej'meH vagh tup jIjol."
QumwI' SoQmoH. DaH 'ughbe'qa'. wa'maH cheb ngaSwI' pep. 'ugh, 'ach
motlh. roQ. chob chong toS 'ej HoD pa'Daq puj HIch Hujchu'.
lISwI'meyDaq wa' rep, botlh HoS je wIv. wepDaq HIch qat 'ej wep
qengchoH. tlhIngan bach 'e' ponmeH wej qech QaQ 'oghpu'. yabDaj Huv
lunIStaH tlha'bogh wanI' qechmey.
---
SKI: Mahoun makes a date to try out his new toy.
----
[17] Don't suppose there's a Hitchcock movie called "The so-called
handgun" is there?
[19] What's the Klingon for "That's what she said." I almost rewrote
this so the meaningless chaw' would be exchanged in the other
direction, to ramp up the innuendo. I wish to be credited for my self
restraint.
One of the strangest things about working on this story is the
constant comparison between what I'm writing now and what I'm sending
now. Sending: Mahoun preparing for a good time. Writing: Hota'ro'
having a very bad time.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111018/5d03231b/attachment.html>
More information about the Tlhingan-hol
mailing list