[Tlhingan-hol] nuq bop bom: 'ay vaghmaH jav: <vu'wI' tup>

[Qov]

Mahoun has returned from a meeting with the Klingon emissary during 
which she told him how easily she could kill him.

56
loHwI' tup

Duj tIn vu'mo' Mahoun, qaStaHvIS po, DungluQ, pem, ram je Qu'mey Sar 
ta'nIS. pIj ramjep vumtaH. reH ghom vay' pagh rI' vay' pagh tlhob 
vay'. tIv Mahoun 'a rut QubnIS je. QumpIn rI' 'ej jatlh "qaStaHvIS 
vaghmaH tup HISujQo'." pIj DummeH pagh ghommeH ra' 'a DaHjaj yIt neH. 
chob chong ghIr 'ej tep choQDaq lengchoH. choQDaq cha' beqpu' ra'lI' 
teppIn. jatlhbe'choHDI' teppIn, moDchoH beq. tep luqeng ngaSwI'mey 
poSmoH. tep luQaylI'. bejtaHvIS teppIn. mong SomrawDu'Daj 
QeyHa'moHmeH, woSDajDaq yuv 'ej nach tlhe'. chollI' HoD 'e' leghDI' 
mon. jatlh "qatlh naDev juSuch?"

jatlh Mahoun "qaleghDI' reH jIQuch." vIt. jot teppIn. not 'ov. Doj 
'e' nIDbe'. yuDHa'. tIchbe' 'ej bochmoHbe'. be' ghaH. ngaSwI' tIn 
peptaHvIS, 'eSSIm porgh rur porghDaj DaHjaj 'e' tu' Mahoun. va. 
qaStaHvIS vagh DIS Hoch be'pu' vIbuSHa'. cha'Hu' wa' vIHot 'ej pay' 
yabwIj Dan. teppInvaD jatlh "Qu'vaD Hoch DapoQbogh Daghaj'a', Luhirey?[1]"

"HIja' HoD." jatlh.

wovchoH teppIn QumwI'. jang 'ej 'IjchoH. jatlh "ghobe'. DaH 
yaHbeHbe'." 'Ijqa'. "HIja' wa'leS po qanobqangbej." DochHa' teppIn 
'ach QumwI'vo' jach vay' 'e' QoylaH HoD.

teppIn ghopvo' QumwI' tlhap. 'Ij ghIq jatlh "jatlh Mahoun HoD. 
teppInma'vaD jach 'Iv?" tlhIjchoH Suy boH. jatlh Mahoun 
"bInabpu'be'chugh pIch ghajbe' teppIn. DaH yItlhIj." teppInvaD QumwI' nobHa'.

rInpu'DI' jabbI'ID, QumwI' SoQmoH teppIn 'ej mon. "vISIQlaH. be' nen 
jIH." ngaSwI' tIn woHchoH 'ach Dej ngaSwI'. choQ ravDaq pum 
pu'HIchmeyHey. wa' woH Mahoun. "puj HIch 'oH" jatlh teppIn. [15]

"nuqjatlh?"

"puj HIch. vay' DabachDI' SomrawDu'Daj pujmoH. HoHbe'. 'oy'be'. motlh 
pumbe'. ru'ba'. 'a nom qetlaHbe', pe'vIl qIplaHbe'. Hub'eghmeH lI'. 
Ha'DIbaH SeHmeH lo' wIjwI'. 'a buvDI' HoS nuH 'oHmo' naDev Hat. 
tepvam wIQolpa' DIteqnIS.

"Daj" jatlh HoD. puj HIch roQbe'. "nIghongqa'chugh Suy, HISovmoH" 
jatlh, 'ej tep choQDaq yItqa'.
---
SKI: Mahoun visits the loadmaster on the cargo deck and leaves with a souvenir.
----
[1] teppIn pong
[15] Yeah, yeah, they're speaking yel Hol and the corny trade name 
only works in Klingon. Well maybe it works in yel Hol too, only differently.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111017/8a6307f1/attachment.html>