[Tlhingan-hol] <tlhIngan Hol ghoj> vIHev

[Rohan Fenwick - QeS 'utlh]

jatlh ghunchu'wI':
> muyIvbej ghoghmey QIch DunHa'.
 
jang Philip, jatlh:
> Do'Ha' QIch vIparHa'bogh pup law' De' jengva' QIch pup puS.
 
jatlh je Quvar:
> jItlhochbe'. De' jengva'vam luchenmoH 'e' vIQoyDI', vaj Okrand ghogh
> lulo'ta' 'e' vItul. vaj canon 'oHqu'. Do'Ha' DaH Dunbe' QIch, 'ej loQ
> lo'laHbe' De'jengva'.
 
Do'Ha' wa' DoS wIqIplaw' maH HochHom. tlhIngan Hol taghwI'pu' ghojmoH
'e' Hech De'vam, 'ej ngoQvetlh chavlu'chu'chugh, qarqu'nIS QIch. QIch
qar ghojmoHlu'meH, PK CK je lI' law' De'vam lI' puS. mu'mey luqonlu'meH
'utlaw'mo' wo' tay' Daq le', loQ jImogh.  law' QIch pup lulo'bogh latlh
jatlhwI'pu' po' 'ej wo' tay' luDabbe'bogh. jeSqangqu'pu' latlhpu'vetlh
'e' vIbej.
 
'ach De''e', latlh SojvaD wa' DoS wIqIpchu'qu' je: vItIvbej je jIH, 'ej
vIje'pu'mo' jIbel. :)
 
QeS 'utlh