[Tlhingan-hol] nuq bop bom: 'ay' vaghmaH cha': <QoblaH tlhIngan>

[Qov]

Mahoun has shrugged off his advisor's warnings about the danger posed 
by Klingons.

52

QoblaH tlhIngan

monHa' QeDpIn, QubtaHvIS. jatlh "vIjatlhchugh, yab Qel DaDa bIjatlh 
'ej bIqImQo'."

"yab Qel yIDaQo' jIjatlhDI' lob pagh" jatlh HoD.

jatlh QeDpIn. "'qalob jIH."

"yIjatlh." jatlh HoD. "chaq jIjangbe'."

jatlh QeDpIn. "cha'Hu' tlhIngan DaqIHvIp. 'a vajar HoD DajatlhtaHvIS 
bIjaq 'ej 'eSSIm DaqIHtaHvIS DaSuv 'ej Dangagh. bIlImbe'meH 
bIjaq'eghmoHlaw'. chaq tlhInganvaD <Qo'> bIjatlhvIpmo' bIvang. DaHjaj 
qaS nuq bIjaq'eghmoHDI'? <Qo'> bIjatlhvIpqa''a'?"

jatlh HoD "qayaj 'a bImuj. Sotmo' vajar HoD 'ej SanDaj vISeHlaHmo' 
mughIjbe'. mughIjbej 'eSSIm 'a wIHbe'. mughIjchoHchugh tlhIngan, QIv 
chaH 'e' vIqaw. vIghatlhlaHmo' 'ej muHoHbe'mo' jIHaj 'e' 
vIcharghta'." yev Mahoun. "Qatlhqu'. yabwIj vIDellaHbe'. nuv 
vIvuvbe'bogh vIngaghta'mo' jItuH 'e' vIpIH, 'ach jIHem. DaH yab Qel 
SID vIDachoH." QeDpIn bejqu' 'ej jatlh "De'vam yIpegh."

"jIjatlhpa' jatlh Hovmey." jatlh QeDpIn. "chovoqmo' jIbel. 'a DaHjaj 
tIr Daje'meH Duy Dangagh'a'?" jatlh QeDpIn

Hagh HoD "ponmeH laHvetlh'e' vIghaj 'e' vIHon." jatlh. "DaHjaj 
jISutlh neH. chaq De' vISuq."

"yIlay'" jatlh QeDpIn.

pa' lojmIt poSmoH 'e' nID vay'. ngaQtaH. chobvo' jatlh ghogh "Mahoun 
HoD?" Hung yaS ghaH.

"vIlay'" jatlh Mahoun 'ej lojmIt ngaQHa'moHmeH QamchoH. 'eltaHvIS 
Hung yaS, QamchoH QeDpIn.

jatlh Hung yaS "vengDaq boghomchuq tlhIngan Duy, SoH je, qar'a' HoD?"

"bIlugh. wa'maH wejvatlh rep qaS."

"tlhIngan Duy DaqIHDI' DurIQmoH, qar'a'?" QeDpIn qunmeH tlhe' Mahoun 'a mejta'.

"bong qaS," jatlh Mahoun. "ram."

"SughomtaHvIS qaQan vIneH" jatlh Hung yaS.

"Qo'!" jatlh Mahoun. "bISaHchugh jImobvIplaw' 'ej tlhInganvaD jIpujlaw'."

"jISaHnISbe'. SoHvaD ngaQtaH jol vIneH. qay'chugh vay' QumwI'lIj leQ 
cha'DIch yI'uy 'ej SIbI' pIjol." Qochbe' Mahoun.
----
SKI: Mahoun's officers tag team him on the Klingon safety issue until 
he agrees to a precaution. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111013/dfb03ccb/attachment.html>