[Tlhingan-hol] nuq bop bom: 'ay' loSmaH Soch

[Qov]

tagha' 'ay''a'vam bertlham bolaDlaH. qamerbe' 'e' vIpIH.

The helmsman and security officer have both had their mission 
performances evaluated by the captain.
47

"toH, Hota'ro' lagh," jatlhqa' HoD. "chorgh rep ret DuSonta'. yaH 
poHlIjvaD bIvumrupmeH DaH pa'lIj yIjaH 'ej yIQongchoH."[26]

HoD mIn bej Hota'ro' jatlhtaHvIS. "mIch loSDaq pa'wIj tu'lu'."

tlhuHHa' Hoch net QoylaH. ghaytan meHDaq mImbe'pu'chugh Hota'ro' 
QongtaHvIS Hegh.

"ghIrel pa' yItlhap," jatlh HoD. "ngaQbe'." Duj De' nejmeH HoD, 
ghIrel pa' ngaQHa'moHta'. mej Hota'ro'. qabDajDaq reghtaH QIHHom .

ba'choH ghutar. ghopDu'Daj Qorgh. laH tobmeH jatlh HoD, "begh pat yIcha'."

SeHlaw Sen ghutar 'ej HaStaDaq begh pat leghlu'. Qapbe'taH nIH begh. 
"ghaytan naDevvo' vItI'laH." jatlh HoD. ghIq "'ungya, DuSonta' Hung 
yaS. HItlhej." HoD pa' lujaH.

"yIba'," jatlh HoD. "DaHjaj batlh bIvang je. Ha'qujlIj nge'pu'DI' 
Hota'ro' bIqeH 'e' vIpIH 'ach bojIjchu'. SoHmo' yaS moch tlhochmeH 
mIw ghojlaHbej. Qu' vIta'laHbe'bogh Data'ta'. qanaD neH vIneH 'ach 
qatlh puqpu' DatungHa'moH? tlham Dachu'Ha' jay'? QIp! HeghlaH vay'!"

"reH Saghqu' Hota'ro'. vIHurghmoH Haghqu' 'ej leSlaw'. vIqun vIneHbe'."

"bIqunqangbe'pu' vIqunnIS. wa'logh DabIjqangba'pu'. nuq jatlh DaqIppa'?"

"jatlh muqIp HoD 'e' vIqotlh. muwuv vIneHqu'. HIqIp."

yay' HoD. "bInep! vIHoHbe'meH bInep. vIHoHbe' 'e' vIlay'. lo'laHbej. 
nuq jatlh?"

"jInepbe'. Dutoy' neHqu'law'."

"Huj be'vetlh ghob. chaq nuv SeHmeH tuHmoH ghIq pegh. Quj'a' Qujlaw'. 
'a mutoy'qangmo' jIbel. bIQongpa' ghe'naQ bom yIQoy." jatlh vajar.

nov bom bomlI' Mahoun ghogh 'e' lu'Ij. ghelmoH 'a jotmoH je. HoSghaj 
QoQ. 'IjtaHvIS tlhoS boQbogh vIghro''a' luleghlaH.

rInpu'DI' bom jatlh yaS wa'DIch, "'a nuq bop bom?"

"vISovbe'," jang HoD. "'ach vISovchoH 'e' vIHech."[30]
---
SKI: The captain has words for the FO, and then plays him the song.
----
[26] Geez, the captain is always sending Hota'ro' to her room, no 
wonder she's taciturn.
[27] I spent three rewrites working out exactly how this worked, but 
in the end realized it's not worth the verbiage to convey. It's Star 
Trek. I was going to offer the omitted scene as a mailing list extra, 
but I seem to have deleted it.
[30] I got through an entire Klingon 'ay''a' without permanently 
killing anyone. I keep regretting starting with such a small crew.
----
Whatever I was footnoting with number 27 seems to have been edited 
out, but I do have a lot of omitted material. Maybe it can be on the 
DVD extras.