[Tlhingan-hol] tlhIngan Hol jatlhwI'pu'qoq
Qov
robyn at flyingstart.ca
Fri Oct 7 20:09:22 PDT 2011
'arlogh qaSpu'? tlhIngan Hol Dajatlhbogh 'e' SovchoHDI' vay' jatlh
<tlhIngan Hol jatlh je jupwI'.>
<gholIH>, bIjatlh. jup DaqIH. 'ej tlhIngan Hol jatlhbe'.
loSHu' jatlh loDnalwI' <Qe'Daq vImaSbogh tlhIngan Hol jatlh jabwI'
chu' ja' Qe' pIn>.
jIlma' ghaHpu' Qe' pIn'e'. wa'Hu' tlhIngan Hol jatlhbogh jabwI''e'
vIqIHmeH Qe' wIghoS jIH loDnalwI' je.
jabwI'vaD jatlh Qe' pIn <nISuch vay'>. raSmajDaq paw. mu' 'ar jatlh 'e' yIloy'.
ghaytan bIlugh: pagh. muyajbe'chu' 'ej tlhIngan Hol jatlhQo'.
<jIrop> jatlh. <tlhIngan Hol vIjatlhrupbe'>.
chay' tlhIngan Hol Daghojpu' jIjatlh.
ghojmoH pIn jatlh.
ngugh Qe' Davum je? jIjatlh.
HIja' jatlh 'ej Qe' pong ja'. DaH latlh tlhIngan Hol jatlhwI'qoq
vISammeH latlh Qe' vISuchnIS.
latlhpu'vaD qaStaH'a' je?
- Qov
More information about the Tlhingan-hol
mailing list