[Tlhingan-hol] nuq bop bom: 'ay' loSmaH cha'

[Robyn Stewart]

Recap: The first officer has gone to the bridge to deal with the 
helmsman's latest crisis while the captain remains with the 
unconscious security officer, just brought back from an unplanned spacewalk.

42

ghutar DeSDu' taD vIHlaHbe' HoD. Huj. motlh SIHlaHchu' logh Sut bIr. 
QapchoHDI' Hoqra' ghutar Hotlh. yInroH QaQ cha'. QoghIj QIH cha'be'. 
roSHa'be'law'[21]. taghDu'DajDaq QIH mach tu' Hoqra' 'ej vorchoH.

ghutar qab Say'moH HoD. taD qey'Ip HochHom 'ej loQ taD DIr je. ghutar 
qabDaq ghopDu' ghun lan HoD. mInDu'vo' chuch bI' 'ej mIn poSmoH HoD. 
pIvlaw' 'ej mIn'e' HotDI' HoD nIteb mIn SoQmoH ghutar. tujmoH 'e' 
nIDtaHvIS[23] HoD, logh Sut QIH tu'. tlhoS chevchoHpu' poghmey 
tlhay'mey je. logh Sut chenmoHlu'DI' wa' Doch naQ 'oH  'a 
yebmeyvam[29] lupe'lu'law'. tlhay'mey qoDDaq chuch SuD tu'lu'.

pay' jachchoH ghutar "QI'yaH!! jIyIntaH! HImeQmoHQo'!" poSchoH mInDu' 
'ej vIH. leghlaHlaw'.

ghutar qab Hot 'e' mev HoD. Hoqra' lo'qa'. beq meQmoHlaw' pagh. 
jotmoH 'e' nID, "DujDaq SoHtaH. qaboQ. yIleS. choleghlaH'a'? choQoylaH'a'?"

"HoD!" jatlh Hung yaS. mISlaw', 'a ghIq jachqa' 'ej noghchoH. 
"meQlaw'lI' ghopDu'wIj!"

pay' Seng tlhoj HoD. "bIbIrqu'mo', bItujchoHtaHvIS 'oy'qu'. SoHvaD 
qul rur tuj motlh." jatlh vajar. "yuQ bIrDaq jIvumpu'. bIrqu'mo' 
wItlhlaH nItlhDu'." Qel Hoqra' lIS HoD 'ej pu'HIch woH 'ej lIS je. 
"DaH bI'oy'qu'choH 'ach qaboQmeH 'ut mIw. 'oy' DaSIQrup'a'?"

"'Iw bIQtIqDaq jIjaH" jatlh ghutar. mu'tlheghvetlh jatlh puq, nenghep 
'oy' SIQrupDI'. yaj HoD. logh Sut taDbe'choHmeH pu'HIch lo'. HoD DIr 
meQmoHbe' tIH 'e' tob 'ach ghutarvaD tujqu' 'e' Sov. SIHlaHDI' Sut 
ghutar lelchoH. mejmeH nogh ghutar. "pogh yI'uch!" jatlh ghutar. 
"DeSwIj vIlellaHbe'." Sut pogh 'uchtaHvIS vajar luH ghutar. jachqu' 
ghIq ghop 'ang. taD ghop DIr. SIbI' DeSvaD ghopvaD je Qel Hoqra' 
lo'choH vajar. bIrqu'mo' meQlaw'pu' 'a vorchoH Hoqra'. "qaqbej!" 
jatlh ghutar. "latlh."[28]

poghmeyvo' ghopDu' leltaHvIS HoD, chuch SuD leghqa'. tetchoH 'ej taS 
jeDqu' lIng. bIrmoHmeH taS 'oHlaw'. law'qu'be'mo' SIbI' jochbe' 'ach 
nItlhDu' taDDaq Qel Hoqra' lo'taHvIS tlhob, "chay' logh SutlIj qoDDaq 
chuchvetlh SuD Daghaj?"
----
SKI: ghutar is half-frozen, but recovering, and there is blue ice and 
viscous blue fluid in his spacesuit.
----
[21] Yeah, I know. roS is lick. roSHa'moH is paralyze. Therefore we 
don't really know what roSHa' means. But if you successfully 
roSHa'moH someone how could they not then be roSHa'? Yeah, I know. I 
can't make assumptions about how tlhIngan Hol works.
[23] You may have noticed that I've been adhering pretty stringently 
to the rule of no aspect suffixes after 'e',  even though I think 
it's a silly rule, so this one suddenly struck me. Imagine if you 
were supposed to say <'e' tujmoHvIS>. The thought amuses me.
[28] vaj ghunchu'wI', muD Duj chach Daqaw DaneHchugh, BA5390 
DaqelnIS. Truth has the latitude of being more improbable than fiction.
[29] There's some canon suggesting that the body part named item that 
doesn't belong to a body still takes the -Du' plural, but there is 
other canon to the contrary, and I find it useful to be able to say 
yebmey here to make it clear that yebDu''e' lupe'lu'be'bejpu'.