[Tlhingan-hol] 'oy'

[lojmIt tI'wI'nuv]

chay' 'oy' vIjuvlaH?

wa'maH jav DIS ghajDI' yInwIj lojmIt retlhDaq jIQam. cha' Dop ghaj lojmIt. poSmeH, wa' Dop yuvlu'. tlhe' latlh Dop. poStaHvIS lojmIt, tlhe'bogh DopDaq ghopwIj vIlan. lojmIt SoQmoH vay'. SoQtaHvIS, cha' nitlhDu'wIj 'uchchoH lojmIt tlhe'bogh HeH. pe'vIl nItlhDu'wIj vIluH. nargh wa' nItlh. latlh nItlh 'er'In teq lojmIt tlhe'bogh HeH.

'oy'vetlh vIjuvmeH, wa'maH vIlo'.

jIwuQchu'DI' 'oy' vIjuvmeH, Soch vIlo'. [migraine]

cha'maH DIS ghajDI' jInwIj tochwIj pe' Sor pe'meH 'etlh HoSghaj. 'oy'vam vIjuvmeH chorgh Hut ghap vIlo'.

DaH DopwIjvo' DeSwIj vIpepDI', 'oy'chu' volchaHwIj. 'oy'vam vIjuvmeH chorgh Hut ghap vIlo'.

volchaHwIj nuD Qel. X-tIH lo'. chenchu' HomDu'wIj. mu'oy'be' HomDu'wIj.

volchaHwIj nuDqa' Qel. tun 'ay'Du' nuDmeH peQ Se' jan lo'. maq Qel. jatlh <<chenchu' volchaHlIj naQ.>>

wejpuH. 'oy' volchaHwIj 'e' vIHarlaw' neH. 'oy'laHbe'.

wa'leS Hergh QaywI QeqmeH' Qel, X-tIH lo'. volchaHwIj botlhDaq Qeq.

jIbelHa'. Qapqa'chugh volchaHwIj jIbelchoH. QapHa'chugh, ghaytan qaStaHvIS poH nI' jIbelHa'taH.

'oy' be'nalwI' je. pumpu'. qam Ho' mach ghorpu'. yItmeH naQmey lo'nIS. wa' qam neH lo'laH. qaStaHvIS chorgh Hogh vIQaHnIStaH. vIQaHchu' vIneH, 'ach rut 'oy'mo' volchaHwIj vIQaHchu'be'. vaj jImogh.

pItlh
lojmIt tI'wI'nuv



-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111130/30d6c775/attachment.html>